Тарихчы Дамир Исхаков «Минзәлә башкортлары» төшенчәсенең ясалма булуын әйтте

Опубликовано в Автор

KSF00447Тарихчы Дамир Исхаков фикеренчә, сәяси технологлар «Минзәлә башкортлары» төшенчәсен куертып Башкортстан эчендәге вакыйгалардан игътибарны читкә юнәлтергә тели.

«Минзәлә башкортлары» төшенчәсе ясалма, һәм 1870 елда Уфа статистларының татар белән типтәрне аера алмаулары нәтиҗәсендә килеп чыккан. Бу хакта Тарих фәннәре докторы Дамир Исхаков ТНВ каналының «Таяну ноктасы» тапшыруында хәбәр итте.

«Башкорт сәяси технологлары XIX йөз ахырында Минзәлә, Бөгелмә, Саратов һәм Алабуга өязендә яшәгән халык төркемен «Минзәлә башкортлары» дип атый. Сан ягыннан 170 меңгә якын кеше күз алдында тотыла. Бу бик сәер, чөнки Башкортстанның күренекле этнографы Раиль Кузеев: «Минзәлә башкортлары» дип йөртелгән төркем инде XIX йөзнең икенче яртысында ук татар милләте эчендә эреп беткән иде, дип язган», — ди Дамир Исхаков.

Тарихчы фикеренчә, Минзәлә башкортларының саны 170 меңгә тиң түгел. «Ул сан тамырдан ялгыш. Санадым: бу халыкның дүрттән бер өлеше чынлыкта типтәрләр булган. Алар башкорт дип язылган, ә башкорт дип саналган төркемнең 43 проценты XVIII гасыр ахырында татар белән уртак никахта булган. Уфа статистлары 1870 елда татар белән типтәрне аера алмаган, һәм „Минзәлә башкортлары“ дигән ясалма төшенчә барлыкка килгән», — ди ул.

Тарихчы Дамир Исхаков фикеренчә, сәяси технологлар, «Минзәлә башкортлары» төшенчәсен куертып, Башкортстан эчендәге вакыйгалардан игътибарны читкә юнәлтергә тели.

 Гөлүзә ИБРАҺИМОВА.
tatar-inform.tatar

Просмотров: 770

Комментирование запрещено