Лена Тябина: Хөсәен Ямашевның хатыны Тукай белән Зәйтүнәне кавыштырырга хыялланган

KSF04876Хәдичә Ямашева Тукайның сөйгән кызы Зәйтүнә Мәүлүдованың чыгышлары — Чистай өязеннән.

Габдулла Тукай әдәби музееның өлкән фәнни хезмәткәре Лена Тябина сүзләренчә, беренче татар большевигы, журналист Хөсәен Ямашевның хатыны Хәдичә Ямашева дус кызы Зәйтүнә Мәүлүдованың шагыйрь Габдулла Тукай белән бергә булулары турында хыялланган.

«Хәдичә Зәйтүнәне Габдулла Тукай белән берничә тапкыр очраштырырга теләгән. Алар икесе дә Чистай өязеннән дус кызлар була», — диде ул «Татар-информ» хәбәрчесенә.

Тукай әдәби музеенда Хөсәен Ямашев тууына 140 ел тулуга багышланган дәрестә Хәдичә Ямашеваның татар кызлары арасыннан Казанда беренче теш табибы булуын, Россия тарихында беренче мәртәбә уздырылачак мөселман хатын-кызлары корылтаен оештырып йөрүен, «Шимбәчеләр түгәрәге» дигән иң беренче татар спектаклендә уйнаганын әйттеләр.

Лена Тябина Хөсәен Ямашевның Хәдичәгә өйләнү мизгелен дә искә алды. «Хәдичәгә кияүне алдан күрсәтмиләр. Аның „Казаннан Хөсәен“ икәнлеге генә билгеле була. Әмма алар бер тапкыр күрешкән булып чыга: туй булырга берничә атна кала аларга бер хат ташучы килә, әтисенә конверт тапшыра. Ул егет Хөсәен булып чыга. Бу турыда Ямашевка багышланган Атилла Расихның „Ямашев“ тарихи романыннан беләбез», — ди ул.

Музей хезмәткәре Хөсәен Ямашевка багышланган музей юк дип әйтте. «Җәмәгатьчелеккә күрсәтерлек материаллар да юк дип беләм. Юбилее музей-дәрес буларак кына үтте, башка җирдә ишетелмәде», — диде ул «Татар-информ» хәбәрчесенә.

«Хөсәен Ямашевны искә алу кичәсе экскурсия-дәрес форматында оештырылды, чөнки әдәбият програмаларында бик аз мәгълүмат бирелгән яки бөтенләй төшеп калган шәхесләргә күбрәк игътибар итәргә, мәктәп укучыларын татар шәхесләренең тормышы, иҗаты белән кызыксындырырга тырышабыз», — диде Габдулла Тукай әдәби музее директоры Гүзәл Төхвәтова. 

tatar-inform.tatar

Просмотров: 490

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>