Хөрмәтле Әнвәр әфәнде!

Сезне чын күңелебездән юбилеегыз белән котлыйбыз!

Сездә Аллаһы Тәгаләдән бирелгән эшкуарлык сеңере бар. Ләкин Сез акча эшләү белән генә чикләнмисез, мәчетләргә, “Сәләм” татар-мөселман газетасын чыгаруга, милли бәйрәмнәребезгә хәйрия ярдәме күрсәтәсез, өлкә милли-мәдәни автономиясе эшен уңышлы гына алып барасыз.

Татар халкы үсешенә керткән фидакарь хезмәтегезнең әҗерен күрергә насыйп булсын, мул кулыгыз саекмасын, эшләрегез уң булсын, Ходай Тәгалә сезне сәламәтлектән аермасын.

* * *

Cамар өлкә “Туган тел” татар җәмгыяте президенты Ильяс ШӘКҮРОВ

* * *

Кадерле сыйныфташым! Ихлас күңелдән туган көнең белән тәбриклим, саулык, озын гомер, максатларыңның тормышка ашуын телим. Аллаһы Тәгалә җан тынычлыгы, чиксез шатлыклар насыйп итсен. Бәла-казалардан имин булып яшә.

Иң матур теләкләр белән сыйныфташың Ильяс ШӘКҮРОВ.

Хөрмәтле Шамил әфәнде!

Сезне чын күңелебездән юбилеегыз белән котлыйбыз!

Хәрби пенсиягә чыкканнан соң сез Самарага килеп урнаштыгыз һәм актив рәвештә татар милли иҗтимагый эшләрендә катнаша башладыгыз. Башта “Бердәмлек” өлкә татар газетасында хәбәрче, хатлар бүлеге мөдире, аннары ун еллар чамасы күпмилләтле “Радио-7 Самара” радиостанциясе тапшыруларын алып баручы, ә 1996 елдан аның җитәкчесе дә булып эшләдегез. Самара өлкә “Туган тел” оешмасы директоры буларак та күп еллар өлкә күләмендә уздырылган Сабан туе, Нәүрүз, Сөмбелә кебек милли бәйрәмнәребезне оештыруга да, аларны алып баруга да зур өлеш керттегез. Шушы эшләрегез өчен Самара губернаторының һәм региональ үсеш министрлыгының Мактау грамоталары белән бүләкләндегез. Хәзер инде Самараның Җәмигъ мәчете каршында чыгып килүче “Сәләм” газетасында хезмәт куясыз.

Шамил әфәнде! Киләчәктә дә Сезгә ныклы сәламәтлек, хәерле озын гомер, иҗади уңышлар, гаилә бәхете теләп калабыз. Балаларыгызның һәм оныкларыгызның игелеген тоеп яшәргә насыйп булсын.

Самара өлкәсенең “Туган тел” татар җәмгыяте президенты Ильяс ШӘКҮРОВ.

Хөрмәтле Зөлфирә ханым!

Сезне туган көнегез белән кайнар кот­лыйбыз!

Сез Тупли мәктәбендә күп еллар буена математика фәнен укыттыгыз. Авыл халкы алдында абруегыз зур, Сезне хөрмәт итәләр. Сезгә карата эчкерсез, ихтирамлы, рәхмәтле хисләребезне бер нинди дә бүләк алыштыра алмас рәхмәт сүзе аша җиткерәбез, хөрмәтле мөгаллимәбез. Сабырлыгыгыз, зирәклелелегез өчен рәхмәт, мең рәхмәт.

Күңелегездәге яктылык, җылылык һичкайчан сүрелмәсен,  изгелек беркайчан да саекмасын. Кайгы-хәсрәт күрмичә, картаюны сизмичә, яшәү дәрте сүнмичә, шатлыкта яшәгез. Исәнлек-саулык Сезгә, туачак таңнарыгыз һәрвакыт нурлы булсын.

Шәкүровлар гаиләсе.

Сезне күркәм бәйрәмегез – туган көнегез уңаеннан чын күңелдән тәбрик итәм.

Алдагы көннәрегездә дә исәнлек-саулык, тыныч тормыш, кайгы-хәсрәтсез, шатлыкта, муллыкта, рәхәттә яшәвегезне телим.

И.Г.Шәкүров, 

өлкә “Туган тел” татар җәмгыяте президенты.

Хөрмәтле Илдар әфәнде!

Без Сезне ихлас күңелебездән туган көнегез белән тәбриклибез!

Сез җәмәгать эшләренә битараф түгелсез, Самар өлкәсендә уздырылып килә торган милли чараларның спонсоры да булып торасыз. Халкыбыз өчен көчегезне дә, малыгызны да кызганмаган өчен Сезгә Аллаһы Тәгаләнең рәхмәте яусын!

Сезгә һәм якыннарыгызга чын йөрәктән тынычлык, иминлек, күтәренке кәеф, сәламәтлек телибез. Барлык ният-максатларыгыз гамәлгә ашсын, һәр эшегездә уңышлар юлдаш булсын. Якыннарыгызның игътибарлы карашы һәм мәхәббәте күңелегезне җылытып торсын.

Cамар өлкә “Туган тел” татар җәмгыяте президенты Ильяс ШӘКҮРОВ,

Самар шәһәр татар милли-мәдәни автономиясе җитәкчесе Рифкать ХУҖИН.

Илдар әфәнде турында язма:

Тырышкан – табар, ташка кадак кагар

Кадерле сыйныфташым! Сине ихлас күңелдән туган көнең белән тәбриклим! Теләкләргә кигәндә, мин сиңа исәнлек, иминлек, кайгы-хәсрәтсез тормыш телим. Гомерең озын, йөрер юлларың тигез, якыннарың сәламәт, бәхетле булсыннар, сине гел шатландырып торсыннар. Барлык хыялларың, теләкләрең чынга ашсын, эшләрең уң, табыннарың мул булсын.

Иң изге һәм матур теләкләр белән сыйныфташың Ильяс ШӘКҮРОВ.

Уважаемый Усман-эфэнде!

Примите искренние поздравления по случаю дня Вашего рождения. От всей души на долгие-долгие годы желаю Вам крепкого здоровья, счастья, радости, благополучия, оптимизма, долголетия.

Делом всей Вашей жизни является  реконструкция и приобщение Исторической мечети к более современному виду. Убежден, что присущие Вам энергия и целеустремленность будут и впредь направлены на благо мусульман г.Самара. Пусть всегда живет в Вас стремление и энергия для исполнения задуманного, а всё лучшее, что сделано Вами, получит развитие и продолжение.

Президент Самарского областного татарского общества  «Туган тел» Ильяс ШАКУРОВ.