Интернет челтәрендә керәшеннәрнең “Бәрмәнчек” фольклор дәүләт ансамбленең яңа клибы пәйда булды. Ул Зөя утрау-шәһәрлегендә төшерелгән. Бу хакта “Татар-информ” МА корреспондентына ансамбльнең өлкән администраторы Екатерина Максимова хәбәр итте.
To view this video please enable JavaScript
“Татар-информ” алдан язганча, артистлар Зөя утрау-шәһәрлегендә берьюлы 3 клип төшергәннәр. Шуларның берсе — “Париж көе” җырына. Аны “Озату”, “Казак озату” дип тә атап йөртәләр. Клипта да яшь егетләрне солдатка озату сурәтләнгән. Биредә керәшеннәрнең милли киемнәрен, биюләрен дә күрергә мөмкин. Егетләр − хәрби казак киемнәреннән. Кылыч белән биюләр дә хәрби теманы чагылдыра.
Яңа клипның сценарий авторы — фольклор ансамбленең сәнгать җитәкчесе Эльмира Кашапова.
Иҗат төркеменең калган клиплары да якын арада тамашачылар хозурына тапшырылачак.
Просмотров: 1165