Исполнительный комитет Всемирного конгресса татар 18-20 мая 2017 года проведет в столице Татарстана — Казани VIII Всероссийский форум татарских мусульманских духовных лиц под названием «Национальная самобытность и религия». На форуме ожидается обмен мнениями по широкому кругу важных вопросов, связанных с религией. Первый подобный форум состоялся в Казани в сентябре 2010 года.
В рамках форума будут работать четыре секции:
- Религия ислам и национальные особенности татар.
- Болгарская исламская академия – центр возрождения национальной духовной мысли.
- Мечеть и татарская семья.
- 4. Религия ислам и периодическая пресса (лекторий).
19 мая должна состояться встреча президента Татарстана Р. Миннеханова с участниками форума, а 20 мая они примут в церемонии “Изге Болгар җыены” (Собрания в Священном Болгаре).
* * *
18-20 май көннәрендә Татарстан Республикасында VIII Бөтенроссия татар дин әһелләре җыены уздырылачак. Дин әһелләребез гадәттәгечә беренче-икенче көнне җыелган проблемалар хакында фикер алышачак, өченче көнне “Изге Болгар” җыенында катнашачак. Шул уңайдан җыенны оештыручылар – БТК башкарма комитеты җитәкчеләре матбугат җыелышы уздырды.
Җыенның иң дулкынландыргыч мизгелләре 19 май көнне булыр дип көтелә. Ул көнне, ниһаять, Казан ханнарының Тарих институты шүрлекләрендә тузан җыеп ятучы сөякләре җир куенына тапшырылачак, таш табутларны пыяла аша багып булачак. Артык тыйнаклык күрсәткәннәр дип әйтикме: хан җәсәдләрен үз заманындагы кебек төрбә-мавзолей ясап урнаштырырга җөрьәт итмәгәннәр. Элек ничегрәк булганын күзаллау өчен “Казан Кремле” саклаулыгы җитәкчеләренә Бакчасарайдагы ханнар төрбәсен барып күрү җитә югыйсә.
Җыенның беренче көнендә имамнар “Ислам дине һәм татар халкының милли үзенчәлеге”, “Болгар Ислам академиясе – милли-рухи фикерне тергезү үзәге”, “Мәчет һәм татар гаиләсе”, “Ислам дине һәм күпкырлы матбугат” дигән дүрт секциягә бүленеп эшләячәк. Җомга көнне Камал театрында булачак пленар утырышта узган җыеннардагыча Татарстан Президенты Рөстәм Миңнехановның катнашуы көтелә.
– Беренче чиратта имамнарыбыз үз казаннарында гына “кайнамасын”, аралашсын, зур татар дөньясында ни-нәрсә булганын үз вакытында белеп, бергә һәм бердәм булганда четерекле мәсьәләләрне чишү мөмкин икәнлеген күреп торсын дип җыябыз бу җыеннарны. Аралашу, киңәш-табыш итешү уңай нәтиҗәләр бирә дип әйтә алабыз. Урыннарда җитди каршылыклар юк. Аерым алганда, җәмгыятебездә ислам диненең урынын һаман билгеләп бетерә алганыбыз юк. Әлбәттә, дин гаиләнең нигезен тәшкил итәргә тиеш, – дип сөйләде матбугат җыелышында БТК башкарма комитеты рәисе Ринат Закиров.
Быел җыенда Россия Федерациясенең 68 төбәгеннән бер меңнән артык делегат катнашачак. Аларның алтмыш бише – хатын-кыз. Болар – мәдрәсә мөгаллимәләре һәм ислам мәгълүмат чараларында эшләүчеләр. Шунысы да мөһим: делегатлар яшәрә башлаган. Имамнарның 476сы – 1970 елдан соң туганнар. Брянск, Амур, Липецк өлкәләре, Яһүд автономияле өлкәсе, Хакасия Республикасы делегацияләре беренче тапкыр катнаша. Делегатларның иң өлкәне Калининград шәһәрендә яшәүче 93 яшьлек Хәким хәзрәт Биктиев булса, иң яше – Удмуртиянең Можга шәһәрендә яшәүче 19 яшьлек Илфат Субаев. Гадәттәгечә Татарстаннан кала иң ишле делегация Башкортстаннан булачак, аннан 140 имам килер дип көтелә.
“Ватаным Татарстан” (№ 66, 12.05.2017).
Просмотров: 1163