Яңа чыккан “Ялкынлы яшьлек. Гасырдан — гасырга” исемле җыентыкның презентациясе дә үтәчәк
14 июльдә 21.00 cәгатьтә Самарның танылган “Ялкынлы яшьлек” җыр, бию һәм шигърият халык ансамбле Камышлы районының Иске Усман авылы клубында, 15 июльдә 20.00 cәгатьтә Балыклы авылы Мәдәният йортында музыкаль тамашаларын күрсәтәчәк.
“Ялкынлы яшьлек” ансамбле турында төрле елларда газета-журналларда басылып чыккан язмалар һәм фотосурәтләр бер китапка тупланып, басмага әзерләнгән иде. Җыентык табадан төшкән һәм, концерттан тыш, яңа чыккан “Ялкынлы яшьлек. Гасырдан — гасырга” исемле китапның презентациясе дә үтәчәк.
Җәйге кичләрегезне онытылмаслык итеп үткәрергә теләсәгез, тамашаларга рәхим итегез, дуслар!
Просмотров: 1069