Вакыт кадерен белүчеләр өчен

25 майда Самараның Алек­сей Толстой урамындагы Та­рихи мәчет янында бик күп халык җыелган иде.

Бәлки Төркиянең генераль консулы Исмәт Эрикан килүе турында ишеткәннәрдер? Хә­ер, гади шәһәр кешесенә диң­гез артыннан килгән ку­нак­ның әллә ни зур кы­зыгы юктыр. Аны күрер өчен ге­нә теңкәләребезне коры­тып бетергән бөкеләрдә уты­рыр­га кем дә теләми. Ләкин күп­ләп җыелган халык ара­сын­да мөфти Талип хәзрәт Ярул­лин­ның, шәһәр районы де­пу­татлары һәм хәтта башлыгы да булуы ниндидер рәсми чара көтелүенә ишарәли кебек.

Караштырып йөри торгач, эш­нең нәрсәдә булуы ачыкланды. Бу халык Тарихи мәчет янында “Оч.вкусно” сәүдә маркасы астында ачылачак кибетне күрергә килгән икән. Дөрес, бу көнне Төркиянең генераль консулы да Тарихи мәчеткә килеп киткән, бәйрәмчә бизәлгән кибетне кереп караган, мөфти белән бергәләшеп чәй дә эчеп утырган һәм хуҗаларга Төр­киянең хәләл товар җитеш­те­рүчеләрен дә тәкъ­дим иткән.

Башлангыч дип әйттем дә, уйга талдым. Бу бит Го­мә­ров­ларның кул белән эшләнгән хәләл ярымфабрикатлар сату буенча бишенче шәхси кибете ачыла! Нәрсә әйтәсең инде? Эш башлап җибәрүенә бер ел да юк, ә инде бишенче кибете өчен үтемле урында бина сатып алынган, чит ил җиһазлары кайтарылган, яңа суйган хәләл ит китереп сатучылар да табылган, җитештерүчәнлек тә көйләнгән һәм аны туктаусыз сату өчен шартлар булдырылган, хезмәткәрләре дә бер дигән… Болар барысы да бөтен гаилә ярдәме, тормыш иптәше Ренатның тырышлыгы, Гелиянең үҗәтлеге белән булдырылган, әлбәттә. Ул гына да түгел! Иң мөһиме – җитештерелгән продукция турында бөтен шәһәргә дә ишет­тергәннәр һәм хәләл ризык базарында лаеклы урыннарын алып өлгергәннәр. Шунысын да билгеләп үтәргә кирәк: бизнесларының кинәт үсеп ки­түе пандемия чорына, күп эш­куарлар сату базарыннан кит­кән вакытка туры килгән!

- Гелия бик тәмле пешерә. Бу аның төп мавыгуы, — дип сөйли гаилә бизнесы турында Ренат Гомәров. — Бервакыт хатынымның дусты, кунакларын тәмле һәм файдалы ризыклар белән сыйларга теләп, кибетләргә чыгып киткән, ләкин үзе теләгән ашамлыкларны таба алмаган. Хатынымның тәмле пешерүен белә иде инде ул. Яхшысынмыйча гына Ге­лиягә мөрәҗәгать итте һәм, нә­тиҗәдә, бик матур мәҗлес үткәрде. Шуннан соң без шә­һәребездә сыйфатлы ярымфабрикатлар ясап сату турында уйлана башладык та инде. Күп тә үтмәде, үткән елның 30 гыйнваренда 5нче Просекада җитештерү цехы һәм беренче кибетебезне ачып җибәрдек. Хәләл товар базарында Ге­лиянең пилмән-мантылары сатылмас дип бер генә дә уйламадым, чөнки мин аларны үз ашказаным аша үткәреп, сыйфат экспертизасын даими ясап торам, — дип шаяра Ренат. 

Бүген Гомәровлар предприятиесе 150 төрле тәмле һәм сыйфатлы хәләл ярымфабрикатлар сата. Исемлектә төрледән-төрле эчлек салып ясалган коймаклар, варе­никлар, төрле хәләл ит кушып ясалган кәтлитләр, зразы, манты, пилмән, һәм башка төрле тәмләшкәләр. Хәләл стандарты буенча эшләнгән ризык мөселманнарның гына түгел, башка дин кешеләренең дә тамагына бик тә яхшы үткәнлектән, даими сатып алучылары да байтак.

Ярымфабрикатлар эш бе­лән әвәрә килгән хатын-кыз­ларның вакытын саклый, гаи­ләне тәмле һәм файдалы итеп тукландырырга мөмкинлек би­­рә. Без нәрсә ашыйбыз, шу­ңар­дан торабыз, дип юкка гына әйтмиләр бит. Безнең ризык кибет киштәләрендәге чүп-чар түгел инде, — ди Ренат.

- Аллаһыга тапшырып суелган хәләл иттән бисмилла әйтеп ясалган ризыкны ашаган кешенең сәламәтлеге дә сынатмый, кәефе дә шәп була, — дип сөйләде кибет ачу тантанасында мөф­ти Талип хәзрәт Яруллин. — Хәләл ризык ашау — ул бит ритуал гына түгел, чисталык та. Күпләр хәләл ризыкны чис­та булуы өчен сатып ала. Сыйфатлы, мөселман кабиләсенә бил­геләнгән ризыкны ашаган ке­шенең рухы тазара, Аллаһы Тә­галә аның гөнаһларын ярлыкар. “Оч.вкусно” сәүдә маркасы ас­тында эшләп чыгарылган ризык­ларны ашаган кеше оттырмас.

- Җитештерү биналары үзе­безнең милектә. Без ясаган ремонт Европа хаста­ха­нә­лә­рендәгедән дә калышмый. Тулы цикллы механизация булуга карамастан, ярымфабрикатлар кулдан эшләнә. Чөнки бизнесыбызның акценты – кул җылысы белән эшләнгән ризык сату.

Без ярымфабрикатлар ясау өчен ике цех булдырдык, хәләл ризык җитештерү буенча тиешле сертификатлар һәм таныклыкларны әледән-әле яңар­тып торабыз. Шуны да бил­геләп үтәргә кирәк: тик­ше­рүчеләр хәләл стандартларга катгый нормалар кулланалар. Шулай да Сертификация үзәге һәм региональ Диния нәзарәте аттестацияләрен уза алдык, “Оч.вкусно” сәүдә маркасын рәс­миләштердек, патент алуга ирештек.

Безнең гаилә бизнесында ирем – коммерция директоры, улларым Марат белән Әмир дә безнең белән — олысы үсеш директоры, кечесе производствога тартыла, ризык әзерләргә ярата.

Баштан ук үзебез җитеш­тергән ашамлыкларны үзебез сатарга сүз куешкан идек. Сү­зебездән чыкмыйбыз: продук­циябезне сату өчен башка ки­бетләргә бирмибез, сораучылар булса да, франшизаны да сатарга җыенмыйбыз, — дип сөйли Гелия ханым. — Безнең оборудование тамгаланган, ризыкларыбызда тоз һәм борычтан гайре бернинди тәмләткечләр дә юк.

Эшебезне башлаганда төр­ле технологларны дәшеп карадык. Бәясен төшерү өчен алар безнең хәләл ашамлыкларны ничек кенә бозмадылар! Ләкин без сыйфат юлын сайладык. Бәясе, башка маркалар белән чагыштырганда, бераз югарырак булса да, ихтыяҗ зур, шундук алып бетерәләр. Эшебез киләчәктә дә уңышлы булса, быел хәләл кафе ачарга да теләгебез бар, — дип планнары белән уртаклаша Гелия Гомәрова. — Хәләл стандартларны төгәл үтәү җитештерүчеләр өстенә зур җаваплылык йөкли, башка катлаулы моментлары да бар. Иң мөһиме – производствоны сыйфатлы һәм тикшерелгән чимал белән тәэмин итү. Самара өлкәсендә хәләл сыер, сарык, күркә, тавык ите бик аз күләмдә сатыла. Бу хәлдән чыгу юлларын эзлибез һәм табабыз.

- Бу хәтле катлаулы булгач, бәлки гади производство гы­на ачып җибәрергә кирәк бул­гандыр? – дип төпченәм ху­җалардан. – Проблемалары да азрак, эше дә җиңелрәк, ке­рем­лерәктер дә әле?

- Бәлки керемлерәктер дә. Ләкин безнең өчен түгел. Ирем­нең дә, минем дә гаиләдә  хәләл ризык ашап үстек, башканы белмибез, — дип сөйли Гелия. — Аннары, тәмле ризыкларыбызны мөселманнар гына түгел, башка милләт кешеләре дә бик яратып ашыйлар бит. Үткән елда 15 тонна хәләл ризык җитештерүгә ирештек. Әл­бәттә, товар билгесе дә, сертификат һәм атрибутика да күп чыгымнар таләп итә. Шулай да без үзебезнең регионда хәләл бизнесны алга сөрәбез, перспективасы булуына ышанабыз. Хәләл ризыкны сатып алучылар бар һәм аларның саны арта гына бара.

Күптән түгел Казанда үткән “Хәләл саммит-2022” чарасында катнашырга насыйп булды. Күп акыллы кешеләр белән аралашканнан соң шуны аңладык – хак юнәлешне сайлаганбыз, хәләл ризыклар елдан-ел ашамлыклар базарын яулый бара.

Гаилә бизнесы гына булганлыктан, үсеш без теләгән тизлектә бармый. Аның каравы, сыйфат белән алдырабыз һәм, дөресен генә әйткәндә, үз эшебездән канәгатьбез, — дип тәмамлады сүзен Гелия ханым.

“ИП Гумеров А.Я.” предприятиесе Советлар Союзында үрнәк булып саналыр иде. Биредә эшләүчеләргә бө­­тен шартлар да булдырыл­ган: лаеклы хезмәт хакы, чис­та-пөхтә кием алмаштыру, юы­ну бүлмәләре, намаз уку бүл­мәсе, җайлы аш бүлмәсе, андый-мондый хәл була калса – хәйрия ярдәме, һәм башка уңайлыклар аларның авыр эш көннәрен бизи.

- Безнең коллективта мөнә­сәбәтләр гаиләдәге кебек. Кү­бесенчә туганнар һәм таныш-белешләр эшли, җаваплылык та шуннан килә. Эш шартлары бик тә яхшы булуына карамастан, яшь кадрларга кытлык кичерәбез. Профильле яшь белгечләр килсә, бик те­ләп эшкә алыр идек, — диләр Гомәров­лар.  

Алар кеше вакыты кадерен дә бик яхшы беләләр. Заман маркетингына да яраклашып өлгергәннәр — ашамлыкларны өйгә китереп бирә алалар. Моның өчен och-vkusno.ru сайтына керергә һәм ошаган ярымфабрикатларга заказ бирергә генә кирәк. Була бит шулай, көтмәгәндә генә кунаклар килеп төшә, яисә эштән арып кайтасың да кыл селкетерлек тә көчең калмаган була. Ә инде биш кибетнең берсенә барып алырга уңайрак икән, һәркемне дә елмаеп каршы алачаклар. Нинди генә ысул сайласагыз да, бик тәмле һәм әле генә табадан төшкән ризык ашаячаксыз.

Данияр СӘЙФиЕВ.

«Бердәмлек».

Просмотров: 883