Быел Русия Федерациясе Мәгариф министрлыгы беренче тапкыр «Туган тел һәм әдәбиятның иң яхшы укытучысы» Бөтенрусия һөнәри конкурсын үткәрә. Самар өлкәсеннән «Яктылык» мәктәбе укытучысы Рәхимә ХӘЙРОВА катнаша.
Бәйге туган телләрне һәм туган әдәбиятларны укытуда инновацион педагогик тәҗрибәне ачыкларга һәм таратырга ярдәм итәчәк. Ул бу фәннәр укытучыларына ярдәм итүгә һәм дәртләндерүгә юнәлтелгән.
12-18 сентябрьдә Ставрополь краенда конкурсның ике туры узачак. Туган тел һәм әдәбият укытучылары «Методик остаханә»ндә үз компетентлыкларын һәм «Дәрестә» һөнәри күнекмәләрен күрсәтәчәкләр, «Сыйныф сәгате» уздырачаклар һәм «Мастер-класста» тәҗрибәләре белән уртаклашачаклар.
Анда Русиянең 69 төбәгеннән педагоглар, шул исәптән Самар өлкәсеннән «Яктылык» мәктәбе укытучысы Рәхимә Хәйрова катнаша.
Просмотров: 724