Беренче сыйныфка баручы Мәгъсүм Климов.

Менә инде алтын көз дә ишек шакый. 1 сентябрь көнне мәктәпләр, колач җәеп, балаларны каршы алачаклар.

Самарның “Яктылык” мәктәбе дә укучыларны кабул итәргә күптән әзер инде. Быел аның бусагасын барлыгы 480 укучы атлап керәчәк.

Мәктәп мөдире Радик әфәнде Газизов сүзләренчә, беренче сыйныфка барырга бик күп теләүчеләр булган. Нәтиҗәдә 57 баладан торган ике сыйныф тупланган. Читать полностью →

Губернаторыбыз Николай Меркушкин исеменнән Вазыйх Мөхәммәтшинны өлкә администрациянең милли һәм конфессиональ идарәсе җитәкчесе Надежда Осипова котлады.

“Ренессанс” кунакханәсендә Самарның “Прогресс-В” компанияләр группасы президенты, Русия Федерациясенең атказанган төзүчесе Гата углы Вазыйх Мөхәммәтшинның хезмәт юлына 55 ел тулу һәм аның туган көне уңаеннан зур тантана узды.

Бәйрәм мохиты бина ишекләрен атлап кергәч үк сизелде. Юбиляр Вазыйх әфәнде Мөхәммәтшин кунакларны елмаеп, ачык йөз белән каршы алып торды. Аның битеннән, күзләреннән нур бөркеп торды. Читать полностью →

Татар халкы үзенең кунакчыллыгы һәм бәйрәмнәре белән аерылып тора. Ай буена Ураза тотып, сафланып, кичләрен ифтар мәҗлесләрендә туганлык хисләрен яңартырга күнеккән милләтем. Аннары тантаналы шартларда Гает намазы укыла. Җитмеш көннән соң, Корбан бәйрәмен иң олуг бәйрәмебез итеп уздырырга күнектек. Пәйгамбәребез Мөхәммәд Мостафа салләллаһу галәйһи үә сәлләмнең туган көнен бәйрәм итү дә гадәти күренешкә әйләнеп бара.

Әйе. Зур бәйрәмнәр. Ләкин дә бу чараларда без мөселман мохитында кайныйбыз. Ә менә Сабан туе, дөнйави бәйрәм буларак, икенчерәк яссылыкта уза. Бу җыенга татар үзе генә түгел, ә татар халкына хөрмәт күрсәтә белгән башка милләт вәкилләре дә киләләр. Читать полностью →

Талип хәзрәт Яруллин дин кардәшләребезне Ураза гаете белән котлый.

Быелгы Ураза гаете бәй-рәме эш көненә туры килсә дә, иртәнге сәгать өчтә Самара Җәмигъ мәчетенең өч каты да халык белән шыгрым тулы иде. Мәчет йорты алдында да кеше күбәйгәннән күбәя генә бара. Әйтүләренчә, намазга егерме меңләп дин кардәшләребез килгән иде.

Иртәнге намазны укыганнан соң Самара мөселманнарының региональ Диния нәзарәте рәисе, мөфти Талип хәзрәт Яруллин халыкны Ураза бәй-рәме белән котлады, Самара өлкәсе губернаторы Николай Иванович Меркушкинның тәбрикләү сүзләрен җиткерде, Россия мөселманнарының Үз-әк Диния нәзарәте рәисе, баш мөфти Шәйхелислам Тәлгать хәзрәт Таҗетдиннан, шулай ук Россиянең төрле төбәкләре җитәкчеләреннән, дин әһеллә-реннән котлаулар килүе турында да белдерде. Читать полностью →

Как и в предыдущие годы, при медресе «Нур» города Самара был организован детский учебный лагерь.

В этом году в плане летней учебы детей был сделан большой шаг вперед.

Организаторами лагеря для детей стали Региональное Духовное управление мусульман Самарской области и Самарская Соборная мечеть. Читать полностью →

Гали авылы шагыйрәсе Саимә апа Морзаханованың өченче китабы чыкты. Беренче китабы 2008 нче, ә икенчесе 2010нчы елны дөнья күргән иде.

Саимә апа гади авыл кешесе, 53 яшендә, ире фаҗигале үлем белән вафат булгач, кулына каләм ала. Йокысыз, кайгылы төннәр аның күңелендә шигырьләр, бәетләр язарга этәрә. Белеме дә барлыгы 7 ел мәктәп елларында алганы гына. Дөрес, мәктәптә ул бик тырыш укучы, алдынгылардан санала. Әмма авыр тормыш Саимә апага укуын дәвам итәргә бирми, ул сыер савучы булып фермага эшкә урнаша. Лаеклы ялга чыкканга кадәр тырышып эшли, гаилә корып, балалар тәрбияли. Кечкенәдән бәйли, чигә. Аның чиккән сөлгеләрен. кияүгә чыгучы кызлар сатып алалар. Саимә апаның бизәкле сөлгеләре илебезнең төрле почмагына таралды. Ә кулъяулыкларын кемнәргә генә бүләк итмәде? Гали авылына килгән кунакларның олысын да, кечесен дә, артистларны да, җитәкчеләрне дә Саимә апа күчтәнәчсез җибәрми. Ә бит чигү һөнәре ул җиңелләрдән түгел. Сәлате, уңганлыгы һәм сабыр булган кеше генә бу эшне башкара ала. Аның өстенә Аллаһы Тәгалә Саимә апага тагын бер талант өсти. Ул яза башлый. Читать полностью →

Марат Мамышев уртада.

Самар дәүләт техника университетында факультет байрагын күтәрү традициясе туды. Бу матур гадәткә 23 февраль алдыннан инженер-технолог факультеты студентлары катнашында нигез салынды. Киләчәктә бу чара башка факультетларда да узачак. Аны Җиңү бәйрәме, Ватанны саклаучылар көне, 1 сентябрь һәм Халыклар бердәмлеге көне алдыннан үткәрү планлаштырылган.

Беренче тапкыр факультет байрагын күтәрү тантанасында хәрби кафедра курсанты Эмил углы Марат Мамышев та катнашты. Ул — “Сәлам” гәҗитәсенең хәбәрчесе Шамил абый Мамышевның оныгы. Читать полностью →