МИҢНЕБАЕВЛАР гаиләсе.
Күптән түгел үткән Гаилә бәйрәме уңаеннан Самарада узган тантанада Равил һәм Рәфисә Миңнебаеваларны “Мәхәббәт һәм тугрылык өчен” медале белән дә бүләкләгәннәр.
Кошки районы Иске Фәйзулла авылында яшәүче Рәфисә һәм Равил Миңнебаевлар яшәү мәгънәсен, тормыш кадерен белеп гомер кичерәләр. Читать полностью
1921 елда корылык булу сәбәпле Идел буйларында коточкыч ачлык булган. Безнең Гали авылын да бу бәла читләтеп үтмәгән. Авылдашларыбыз кем ачлыктан, кем кар астыннан җыелган башакны ашап агуланып үлгән. Кабер казып күмү түгел, мәетләрне җыярга да кешеләрнең хәле булмаган. Авылыбызның тавы буенда чокыр казып, шунда мәетләрне ыргытып барганнар. Читать полностью
Гает намазы бик иртә укылса да, дин кардәшләребез Самараның Стара Загора урамында урнашкан Җәмигъ мәчетенә иртә таңнан агылды да агылды
Бүген, 17 июльдә, җомга көнне бөтен ислам дөньясы белән бергә Самара өлкәсе мөселманнары да Рамазан гаетен – Гайдел фитр бәйрәмен билгеләп үтте. Читать полностью
Әссәламүгаләйкум вә рәхмәтуллаһи вә бәрәкәтуһи!
Менә изге Рамазан аебыз да тәмамланды. Күпләребез бу айда Аллаһы Тәгаләнең ризалыгы өчен ураза тотты, Коръән юлына басып, күңелләрен пакъләде. Мин ихлас күңелемнән барлык дин кардәшләремне, туган-тумачаларымны, дусларымны, 94 яшьлек әнием — Бибисара Кәрим кызын Ураза бәйрәме белән котлап, һәммәбезгә дә иман байлыгы, сабырлык, тәкъвалык, күркәм холык, исәнлек-саулык, уңыш һәм бәхет теләп, шигъри юлларымны бүләк итәм: Читать полностью
Иске Усман авылы мәчете
Исәнмесез, “Бердәмлек” газетасы хезмәткәрләре. Бу хатны сезгә Камышлы районы Иске Усман авылында туып үскән, бүгенге көндә Самара шәһәрендә яшәүче Әминә апагыз Мәгъдиева яза.
Яраткан газетабыз аша авылдашларымны Ураза гаете белән котлап, аларга исәнлек-саулык телим. Әтием Миңнетдин Сабир улы, әнием Шәмсезоха Инсафетдин кызы рухына дога кылсыннар иде. Алар икесе дә Иске Усман авылы зиратында күмелгән. Читать полностью
Зөлфия Евлоева
Өлкәбезнең иң яхшы почта хезмәткәрләрен һөнәри бәйрәмнәре белән тәбрикләделәр. «Өлкәбезнең почта тармагында меңләгән кеше көч куя. Алар көн саен корреспонденция кабул итәләр, эшкәртәләр, халыкка дистәләрчә газета-журнал тараталар, пенсия һәм пособиеләр өләшәләр. Почтада үз һөнәрләренә ихлас күңелдән гашыйк булган искиткеч кешеләр эшли. Бүгенге тантана — аларның хезмәтенә югары бәя бирү”, — дип сәламләде кунакларны өлкә почта элемтәсе идарәсе директоры Артур Игрушкин.
Бәйрәмдә 168 почта хезмәткәренә федераль һәм региональ дәрәҗәдәге бүләкләр тапшырылды.
Минем әниемнең исеме Минҗәүһәр. Ул Татарстанның бүгенге Лениногорски районындагы Урдалы авылында 1935 елның 4 июнендә дөньяга килгән. Димәк, аңа быел җәен инде 80 яшь тулды.
Әниемә 10 яшь чагында аларның гаиләсе Самара өлкәсенең Похвистнево районындагы Гали авылына күченә һәм биредә ул үзенә күп дуслар таба. Шулардан иң чибәре әлбәттә, София апа иде. Әле тагын Ленина апаны (мәрхүмә инде, урыны оҗмахта булсын), Нәркәз, Расихә, Вәсилә, Гәүһәр, Рәисә апаларны, Халисә абыстайны әниемнең якын дуслары дип атыйсым килә. Читать полностью
Шенталы районының Денис авылында мөгәллимнәр гаиләсендә туып үскән авылдашым — Рөстәм Сәлимҗан улы Нигъмәтуллин Себердәге Надым шәһәрендә яши. Ул да әтисе кебек үк шигырьләр язарга ярата. Аның “Яшьлегем сагышы” дип аталган шигырьләр җыентыгы 2003 елда Уфада, Башкортстан “Китап” нәшриятында дөнья күргән иде. Анда мәхәббәт, туган-үскән җирнең матурлыгы, авылдашларның затлылыгы турында язылган. Читать полностью
Бөек Ватан сугышы бер генә гаиләне дә читләп үтмәгән. Безнең Оренбург өлкәсе Әсәкәй авылында яшәгән карт бабабыз Вәли Шәяхмәтов та Бөек Җиңү өчен үзенең гомерен биргән. Аның Мәрфуга әбиебезгә һәм дүрт баласына язган мәхәббәт тулы ике хатын әле дә кат-кат укыйбыз:
“Минем кояшым, шул хәтле күрәсем килә сезне, бигрәк тә Дания кызымны. Мин исән-сау, алтыным, синең хатыңны алгач, бик шатландым, безнең авылдагы Габдрахман да яраланып кайткан, ә бертуганым вафат булган икән, бу кайгылар бер дә уемнан китми… Алтыным, син хат яздым, дисең. Аны алу белән тагын язармын. 5 ноябрь, 1941 ел”.
Читать полностью
Тәскирә Мөхәммәтвәли кызы Еремеева.
Татар хатыны гел яңалыкка, матурлыкка омтыла. Элек ул сукыр лампа яктысында төннәр буе паласлар, сөлгеләр суккан, тегү, чигү эшләре белән шөгельләнгән. Менә Камышлы районының Яңа Усман авылында яшәүче Тәскирә Мөхәммәтвәли кызы Еремеева да элек ничек өйрәнгән булса, хәзер дә шулай яши. Читать полностью
Минем әтием Әхмәдулла исемле иде. Ул сугыш башлангач та фронтка китә. Инәкәем биш һәм ике яшьлек Халидә һәм Халисә апамнар белән берьялгызы утырып кала. Өстәвенә йөкле дә була әле. Соңрак аның малае туа, тик сигез ай тулганда авырып үлеп китә.
Инәкәемнең сөйләве буенча, әтиебез Карпат таулары янында элемтәче булып хезмәт иткән. Аңа һәм сугышчан дусларына дошман пулялары астында өзелгән тимерчыбыкларны ялгап йөрергә туры килгән. Аларга ризыкны вертолеттан китереп ташлый торган булалар. Читать полностью
Самараның Җәмигъ мәчете ел саен Изге Болгар җыенына бару өчен автобуслар яллап, халыкка чын бәйрәм ясый. Әлһәмдүллилахи, быел да миңа Изге Болгар җыенында катнашырга насыйп булды.
Иртәнге намаз вакытына мәчеткә җыелдык. Барчабыз бергә намаз укып, догалар кылганнан соң, ике зур автобуска төялеп, юлга чыктык. Читать полностью
Район Сабан туйлары Тәлига ападан башка узмый.
Безнең буын эзли әниләрнең
Ярасына кирәк дәваны.
Безнең гомер сугыш кырларында
Өзелеп калган җырның дәвамы…
Харрас Әюпов.
1941 елның 22 июнендә шартлаган туплар тыныч кына барган тормышны юкка чыгардылар. Ирләрне генә түгел, машиналарны да, атларны да алып киттеләр сугышка. Хатыннарга һәм балаларга колхоз кырларындагы игеннәрне урып-җыю, колхоз малларына печән, салам әзерләү, бәрәңге һәм яшелчә үстерү кебек эшләрдән тыш, йорт тормышын да алып барырга туры килде. Сугышка киткән ирләрен, туганнарын уйлап үткәргән йокысыз төннәрдә түгелгән ачы күз яшьләре, фашист илбасарларына карата күтәрелгән нәфрәт хисләре генә көч биргәндер аларга.
Фронттан үлем хәбәре килгәндә, җан-фәрманга чабып барган ат сөртенеп киткәндәй, хатын-кызлар да бер-ике көнгә өйләрендә бикләнеп елыйлар иде дә, караеп сулган йөзләрен яулык белән каплап, тагын эшкә чыгалар иде. Без шуны күреп үскән балалар бит. Авылыбызга — Камышлы районындагы Дәүләткол авылына, беренче үлем хәбәре Шәмсенур апам Кәримовага килде…
Читать полностью
