Краснояриха мәчете имамы Тәлгать Әбделәхәт улы Төхвәтуллин.

Челно-Вершины районын­дагы Краснояриха авылында төрле милләт халкы гомер-гомергә үзара дус-тату булып, бер-берсенең динен, тормыш кагыйдәләрен хөрмәт итеп яшиләр. Күптән түгел генә авыл уртасында бик матур мәчет калкып чыкты.

Ике катлы Аллаһ йорты заман таләпләренә җавап би­рерлек итеп төзелгән. Биредә тәһарәтнамә, кунакларны кабул итү бүлмәсе, мәдрәсәдә уку, ашханә, мәҗлесләр һәм компьютер бүлмәләре бар. “Манара әле күтәрелмәсә дә, намаз бүлмәсе өлгертелде инде, милләттәшләребез гыйбадәт  кылырга йөри башладылар”, - дип шатлыклары белән уртаклашты мәчет имамы Тәлгать хәзрәт Төхвәтуллин. Читать полностью →

Ак сатинга кызыл, сары, шәмәхә чәчәкләр чигелгән тәрәзә пәрдәләре арасыннан шау чәчәккә күмелеп утыручы яран гөлләре күренә. Самара өлкәсе, Похвистнево районының Гали авылында гомер итүче Саимә Әхмәдулла кызы Морзаханованың шигъри юллары да, менә шушы тәрәзә төпләрендәге гөлләр сыман, башта бөреләнә, күңелендә чәчәк яра, аннары дәфтәр битләренә төшерелеп, үз юлын, үз укучысын таба. Читать полностью →

Ел буе Гали авылы мәктәбе укучылары, укытучылар көтеп алган Җиңү бәйрәме күз ачып йомганчы үтте дә китте. Ә бит аны әзерләүгә күпме көч куелган! Мәктәп балалары үзләренең бабаларының, әбиләренең сугыш вакытындагы фидакарь хезмәте  турында тикшеренүләр алып бардылар, бу турыда иншалар, шигырьләр яздылар, рәсемнәр ясадылар. Шул рәсемнәрдән зур гына күргәзмә барлыкка килде, ә иншалардан, шигырьләрдән альбом тупланды. Балалар һәм укытучылар митингның һәм кичке концертның программасын да үзләре яздылар. Читать полностью →

3 апрельдә Самараның Киров мәйданындагы Мәдәният йортында зур уңыш белән XIX “Татар балалары җырлый” фестивале уздырылган иде. Белгәнегезчә, аны тулысынча Самараның “Яктылык” татар мәктәбе укучылары һәм укытучылары әзерләп сәхнәгә куйдылар. Бөек Җиңүнең 70 еллыгына багышланган программа халыкка да, татар милли оешмаларына да бик ошады. Шуңа да татар эшкуарлары сугыш ветераннарына һәм тамашачыларга шундый зур бәйрәм бүләк иткән коллективка бүләкләр әзерләгәннәр. Читать полностью →

Авыл администрациясе сугыш елы балаларына берәр мең акча тараткан икән. Анда әнигә: “Хезмәт ветераннарына бирелми”, — дигәннәр. Ул: «Күп эшләргә дә ярамый икән», дип, гарьләнеп елады…

Бөек Ватан сугышы бер генә гаиләне дә читләтеп үтмәгән. Әтиләре фронтка киткәч, күпме бала ятим калган?!  Аларның саны бик күп, санап бетергесез. Ятимлек ачысын безнең әниебез  -  Минегаян Әһлиуллина да татыган. Аның әтисе Минәхмәт  бабай Мәрданов сугышның беренче көннәрендә үк фронтка китә. Ул вакытта минем әнигә  — өч, абыйсына унбер яшь булса, иң кече энеләре туганга бары тик 40 көн генә була әле. Бабам шул китүеннән кайтмый, хәбәрсез югала. Читать полностью →

Хәйрет­ди­новлар гаиләсе.

“Яшьлегеңдә өлкәннәргә нинди мөнәсәбәт күрсәтсәң, шулар кире үзеңә әйләнеп кайта” дигән гыйбарә бар. Ул Похвистнево районы Яңа Мансур авылында гомер итүче Хәйретдиновлар гаиләсенә туры килеп тора. Читать полностью →

Мәчәләй мәктәбе укытучылары һәм укучылары хезмәт ветераны Нәгыймә әби Исмәгыйлева белән очрашу вакытында.

Быел Мәчәләй авылында эшләнә торган барлык иҗтимагый эшләр дә Бөек Җиңүнең 70 еллыгына багышлап үткәрелә. Узган елның 1 октябрендә үткәрелгән Өлкәннәр көнендә зур концерт куйдык. Матур-матур җырлар, шигырьләр тыңлап, ашап-эчеп ял иттеләр өлкәннәр. Ә соңында үзләренең яшьлек елларын искә төшереп, яраткан җырларын җырлашып, уеннар уйнап, биешеп күңел ачтылар.

Ә 27 январьда, Ленинград шәһәре боҗрасын өзгән көнне, мәчеттә зур сөйләшү үткәрелде. Ленинград фронтында сугышкан авылдашыбыз Хәйбрахман Ибраһим улы Ганиевны искә алып, өлкәннәр аның рухына багышлап дога кылдылар. Читать полностью →

Бөек җиңүгә 70 ел тулу уңаеннан Похвистнево районы үзәгеннән “Сугыш балалары” исемлеген барларга кирәк, дигән фәрман килде. Гали авылы мәктәбенең тәрбия эшләре буенча директор урынбасары Кәүсәр Шәйхетдинова башка укытучылар белән бергәләп җиң сызганып эшкә кереште. 

Исемлеккә карап кичергән хис-тойгыларыбызны сүз белән генә әйтеп бетерерлек түгел иде. Анда барыбызның  әбиләребез, бабайларыбыз, туганнарыбыз… Исем саен ачы язмыш, канлы яшь. Шундыйларның берсе — Гыйзьямал әби СӘГЪДИЕВА (ГАЛЛӘМОВА).  Читать полностью →

Челно-Вер­ши­ны районының Совет Нор­латы авылында яшәүче Рифкать белән Гүзәлия Мәх­мүтшиннар гаиләсе.

Авылда яшәүче хатын-кызларның күбесе бала үстерүдән чын ләззәт табып өлгерми дә: сабыйны тәрбияләүдән башка йорт эшләрен дә карарга кирәк бит әле. Ә авылда һәр көнне тавык чүпләп бетерә алмаслык эш чүмәләсе көтеп тора. Ярый ла, яраткан ирең бераз булса да ярдәм итсә… Ә ул да көне-төне эштә булса, нишләргә?!

- Өченче кызыбыз Риананы  бала үстерүнең тәмен һәм ямен, шатлыгын татып калыр өчен таптым, — дип сөйли Челно-Вершины районының Совет Норлаты авылында яшәүче Гүзәлия Солтан кызы Мәхмүтшина.

Читать полностью →

Ходай Әбугали Фәхретдин улы Сөләймановка акылын да, зиһенен дә, сәламәтлеген дә, эш-гамәлләрен җиренә җиткереп үтәрлек көч-куәтен тә кызганмыйча биргән. Шуңа да хезмәт ветераны тормыш авырлыкларын зур сабырлык белән үтә.

1932 елда Похвистнево районының Мәчәләй авылында туган Әбугали кечкенә чагында ук колхозда эшли башлый. Ул вакытта кыр эшләре күбесенчә колхозчыларның кул эшен таләп иткән бит. Шуңа күрә балаларга да ата-аналары белән бергә кырларда һәм фермаларда эшләп үсәргә туры килгән. Читать полностью →