Шенталы районының Денис авылында еш кына төрледән-төрле ярышлар, бәйгеләр үткәрелеп тора. Хатын-кызларыбыз бәйрәменә багышланган чарада, мәсәлән, гүзәл затларыбыз өч командага бүленеп бәрәңге дә чәчтеләр, кармак белән балык та тоттылар, чүкеч белән тактага кадак та кактылар, җырлар-биюләрдә дә катнаштылар. Аннан соң мәктәп спортзалында да өлкән сыйныф укучылары «Без — бердәм» ярышларында үзләренең волейболда, баскетболда, турникта тартылуда, скакалка аша сикерүдә һәм башка бәйгеләрдә сәләтләрен күрсәттеләр. Төрле сораулардан торган викторина да бик кызыклы үтте.
Ә инде район үзәгебез Шенталыда уздырылган чаңгы буенча ачык өлкә ярышларында илебезнең төрле төбәкләреннән килгән спортчылар катнашты. Безнең Денис авылыннан бу бәйгегә төрле яшьтәге 12 кеше барган иде. Шулар арасыннан Гөлнур апа Хәсәншина — алтын, ә Рамилә Юнысова көмеш медаль алуга ирештеләр.
Районыбыз администрациясе башлыгы Анатолий Васильевич Кириллов әйтүенчә: “Спорт ярышларында иң зур җиңү — ул үзеңнең ялкаулыгыңны, куркуыңны җиңү, үзеңнең туып-үскән авылыңның данын күтәрү…” Бу бик дөрес сүзләр, минемчә.
Рөстәм НУРЕТДИНОВ.
РӘСЕМДӘ: чаңгы ярышларында җиңү яулаган спортчыларыбыз Рөстәм ГАЛӘҮТДИНОВ (сулдан уңга), Рамилә ЮНЫСОВА, Гөлнур ХӘСӘНШИНА, Җәүдәт ХӨСНУЛЛИН, Сәгыйть ХӘЛИЛОВ.
Просмотров: 2012
Бик актив кешелэргэ , зур рахмэт узегезгэ , молодцы .
Молодцы , минем Рустамчик , Рэмилэ белэн чем не молодеж .Мин бик шат авыл кешесе йоклап , ялкауланып ятмый , так держать .
аулдашлар молодцы…..
Молодцы. А где молодеж.
молодцы!!