Ак пәрдәне ачу белән
Күзем төште урамга.
Җир-ана уралып яткан,
Төренеп ак юрганга.
Капка башы, коймалар
Ак чалмага уралган.
Күпме могҗизалар туган
Төнлә узган бураннан.
Сукмакларда көрт өеме,
Юлларны күмеп киткән.
Агачлар җиргә сыгылган,
Җилкәсендә кар күптән.
Буран котыра, кире килгән,
Әйтерсең дә җен туе.
Сызгырып, улап йөреде,
Баш очында төн буе.
Капкага да кагылып карый,
Тәрәзәгә сарыла.
Ишек биктә, керә алмый,
Урын тапмый җанына.
Төн узды, буран туктады,
Тәрәзәгә күз салдым.
Көрт таулары хасил булган,
Шаккаттым, хәйран калдым.
Сәимә МОРЗАХАНОВА.
Гали авылы,
Похвистнево районы.
Просмотров: 1527