Тышта болыт, коеп яңгыр ява,
Болытларга карап утырам.
Күңелемә килгән хисләремне
Дәфтәрләргә язып тутырам.
Тәрәз төпләремдә гөл үстерә,
Шау чәчәктә алар утыра.
Мин яратам карап утырырга
Алсуланып таңнар атканда.
Һәр иртәне Ходаемнан сорыйм:
«Тынычлык бир», — диеп илләргә.
Күпме ир-егетне сугыш йотты инде,
Гомер бирсен калган ирләргә.
Вакытында суын сиптермәсәң
Чәчәк ата алмый гөлләр дә,
Өч оныгым сау-сәламәт булып
Яши күрсен тыныч илләрдә.
Гөлчирә ӘХМӘДУЛЛИНА.
Балыклы авылы, Камышлы районы.
Просмотров: 1328