Ноябрьнең соңгы якшәмбесе — Әниләр көне
Иң изге, олы йөрәкле,
Мәрхәмәтле аналар.
Нурларын сибеп җиһанга
Кояш кебек яналар.
Иң моңлы җырларны көйләп
Бишектә тирбәттегез.
Иркәләп, назлап-сөеп
Йокыдан уяттыгыз.
Һәр сүзегез, һәр җөмләгез,
Акыллы киңәшегез.
Тормыш серен безгә ачып
Яшәргә өйрәттегез.
Сезнең хәер-фатыйхада
Тормыш юлына бастык.
Тәкъдир-язмыш китабының
Беренче битен ачтык.
Безгә теләгән теләкләрегез
Тормышка ашып бара.
Карашларыгыз җылысыннан
Күңел тынычлык таба.
Рухыгыз күтәренке булсын,
Бәла-каза күрмәгез.
Яшәү чорында бала кайгысы
Ни икәнен белмәгез!
Шатлыкта да, кайгыда да
Без сезгә сыенабыз.
Сезне хөрмәтләп ел саен
Бәйрәмгә җыелабыз.
Саимә МОРЗАХАНОВА.
Гали авылы,
Похвистнево районы.
Просмотров: 1463