31 майда Самарның “Металлург” Мәдәният сараенда өлкә “Туган тел” татар җәмгыятенең 35 еллыгына багышланган тантаналы җыелыш узды. Чарада Самар өлкәсе һәм шәһәр администрацияләре вәкилләре, татар милли оешмалар җитәкчеләре һәм активистлары, дин әһелләре, муниципаль хакимият органнары хезмәткәрләре, эшмәкәрләр, мәдәният һәм мәгариф эшлеклеләре катнашты.
Җыелыш эшлекле оештырылган иде. Иң элек делегатлар “Гаилә”, “Спорт”, “Милли мәгариф”, “Мәдәният”, «Дин», «Эшмәкәрлек», «Тарихи-мәдәни мирас» секцияләренә бүленеп эшләделәр. Чыгышларда һәм фикер алышуларда сүз өлкә татарларын борчыган проблемалар турында барды һәм аларны хәл итү юллары каралды.
Аннан пленар утырыш үтте. Чара бүләкләүләр һәм котлау сүзләре белән үрелеп барды. Үзешчән артистлар үзләренең чыгышлары белән бәйрәмгә ямь өстәделәр.
Марсель ӘБҮШӘЕВ, Әнәс МИНГАЛИ фотосурәтләре.
Просмотров: 911