Авылым минем, син бит бик борынгы,
Тик тарихың гына калмаган.
Утлар чыккан, ачлык хөкем иткән,
Шуңа алар саклый алмаган.
Ачлык үткән — ямьле язлар җиткән,
Халкым кабат яши башлаган.
Авылыма тагын афәт килгән -
Явыз Гитлер сугыш башлаган.
Йортын-җирен, балаларын ташлап,
Ир-егетләр китте сугышка.
Тик күпләре кире кайталмады,
Гәүдәләрен туфрак җылыта.
Өчпочмаклы хатлар килә -
Үлем хаты килә конвертта,
Шушы шыксыз үлем хаты
Күпме кайгы бирде халыкка.
Кайгы килде, шатлыклары килле -
Аллаһ барсын белеп бирә ул,
Кайгыларны күрми үлгән кеше
Шатлыкны да күрми үлә ул.
79 ел инде үтеп китте,
Ә ярасы һаман йөрәктә,
Сугыш афәтләрен күрми генә,
Тыныч яшә, авылым, рәхәттә.
Минәсма ХӘЙРУЛЛИНА.
«Бердәмлек».
Просмотров: 2953
Авылыбызда шундый мэгьнеле шигыр язучы Минэсма апага зур рахмет яусын,исен булып ижатын дявам итсен иде
Минесма апа бик матур. Сина исянлек озын гомер.
Рэхмет Минесма апа.ижади унышлар сина.