Барыбызның да көтеп алган, яраткан бәйрәме Яңа ел якынлашып килә. Хуҗабикәләр табынга нинди сый-хөрмәт әзерләүләре турында уйланып, салатлар, тортлар рецептлары эзли башлаганнардыр инде. Ә “Бердәмлек” редакциясе “Яңа ел табынына — үзенчәлекле сый” дип аталган бәйге игълан итә.
Хөрмәтле газета укучыларыбыз! Бәлки гаиләгездә буыннан-буынга тапшырылып килгән сирәк рецептлар бардыр, бәлки барысына да таныш салатларны үзенчәлеклерәк итеп ясыйсыздыр. Бәйгегә әнә шундый рецептларны көтеп калабыз. Фотосын куйсагыз, бигрәк тә яхшы. Шулай ук үзегезнең фотосурәтне, телефон номерыгызны да язып, хәбәрләрегезне berdem@bk.ru электрон почтасына яисә редакция адресына (443009, Самара шәһәре, Воронежская урамы, 9, оф. 305) җибәрә аласыз. Иң шәп, оригиналь рецептларны һәм аларның хуҗаларының фотосурәтләрен газета битләрендә урнаштырачакбыз.
«Бердәмлек» редакциясе.
Просмотров: 1124