Татар артистлары нинди машиналарда йөри?

“Акчарлак” газетасы Данир Сабиров, Раяз Фасыйхов, Зөлфия Шакирова, Гүзәл Уразова һәм Равил Шәрәфиевнең нинди транспорт чараларында йөрүләрен белеште.

Данир Сабиров — Инфинити ЕХ 25 (1,7 млн сум)

Данир Сабиров күк төсендәге “Инфинити ЕХ 25” машинасы хуҗасы. Юмор остасының бу 4нче машинасы икән. Бәясе: 1 миллион 720 мең сум.

Раяз Фасыйхов — “Ланд Ровер фрилендер 2” (1,8 млн сум)

Раяз Фасыйхов ак төстәге “Ланд Ровер фрилендер 2”дә йөри. Бу аның әле икенче машинасы гына. Бәясенә килгәндә, күпмегә алганын әйтергә теләмәде. “Интернетта якынча 1 миллион 800 мең сум тора дип язылган. Минеке арзангарак чыкты”, – диде җырчы.

Зөлфия Шакирова — “Тойота Рав 4” (1,6 млн сум)

Зөлфия Шакирова яңарак кына “права”га укып, машинага утырды. Җырчы “Тойота Рав 4”тә элдерә. Бәясен сорагач, “хәтерләмим”, дип җавап бирде. Әлеге машинаның якынча бәясе: 700 меңнән башлап 1,6 миллионга чаклы.

Гүзәл Уразова — “Фольксваген Туарег” (3 млн сум)

Гүзәл Уразова икенче ел инде менә кара төстәге “Фольксваген Туарег” машинасында җилдерә. Бу аның 7нче машинасы. Бәясе турында сорагач, баштарак “хәзер инде хәтерләмим”, дисә, соңрак: “Күпме тора соң алар, 3 миллион тирәседер…”, – дип җавап бирде.

Равил Шәрәфиев – автобус (автобусларның бәясе якынча 5 млн сум)

Равил Шәрәфиевка юбилее уңаеннан дәүләт машина бүләк итсә дә, Г.Камал театры артисты автобус, метрода йөрүне хуп күрә. Үз гомерендә бер тапкыр да машина йөртеп караганы булмаган.

Просмотров: 1601