Хөрмәтле татар интернетчылары!!! XIV Дөньякүләм «Белем җәүһәрләре — 2023″ IT-бәйгесенә гаризалар кабул ителә башлый!
Гаризалар 16 нчы октябрьдан 19 нчы ноябрьга кадәр кабул ителә. Җиңүчеләрне билгеләү (Жюри әгъзалары эшчәнлеге): 20 нче ноябрьдан 26 нчы ноябрьга кадәр булачак. Җиңүчеләрне игълан итү һәм бүләкләү декабрь аеның беренче яртысында планлаштырылган.
Игътибар! «Белем җәүһәрләре — 2023″ IT-бәйгесендә кайбер үзгәрешләр һәм яңалыклар бар:
- Яңа номинация өстәлде. «Татарстан Республикасы электрон мәгарифе платформасында иң яхшы белем бирү учреждениесе сайты» номинациясендә Татарстан Республикасы электрон мәгарифе (Электронное образование Республики Татарстан) (https://edu.tatar.ru) платформасында Татарстан Республикасының дәүләт телләрендә тигез дәрәҗәдә файдалы һәм актуаль мәгълүмат урнаштырылып барган сайтлары белән республиканың белем бирү учреждениеләре катнаша ала.
- Бәйгенең оештыручы-партнерлары исемлегенә К(П)ФУ Хисаплау математикасы һәм мәгълүмати технологияләр институтының Мәгълүмати системалар кафедрасы кертелде. Кафедра хезмәткәрләре шулай ук бәйгедә катнашучы интернет-проектларны бәяләүдә катнашачаклар.
- «Халык күңелен яулаган интернет-проект» номинациясе булдырылды. Әлеге исемгә барлык катнашучылар арасында иң күп тавыш җыйган интернет-проект лаек була.
- Бәйгедә катнашу — түләүле (1000 сум). 16 яшькә кадәр катнашучы балалар һәм яшүсмерләр өчен 50% ташлама каралган.
(!) Гаризалар 19 нчы ноябрьга кадәр кабул ителә. Яңартылган нигезләмә белән https://konkurs.belem.ru/nigezlama адресы буенча танышырга мөмкин.
ТУЛЫРАК (рәсми сайт): https://konkurs.belem.ru
КАТНАШЫРГА / ГАРИЗА ТАПШЫРЫРГА: https://forms.yandex.ru/cloud/652ce5cb43f74f2960fd1588/.
Просмотров: 535