Аллаһыга шөкер, әкрен генә алтын көз айларына да аяк бастык. Ел саен октябрьдә Өлкәннәр көне билгеләп үтелә. Шушы уңайдан ко-яшлы, матур көнне Шенталы районының Денис авылы Мәдәният йортына “Эх, яшьлеккә бер кайтып килсәң иде!” дип аталган бәйрәмгә җыелдык.
Күркәм чараны 1212 санлы мәхәллә имам-мөхтәсибе Раил хәзрәт Зәкиуллин моңлы аятьләре белән ачып җибәрде. Ул, Коръән сүрәләре укып, әрвахлар рухына дога кылды. Аннан соң 41 санлы тарихи мәчетебезнең имам-мөхтәсибе Исмәгыйль хәзрәт Гарифуллин эчтәлекле вәгазьләр сөйләде. Ә авылыбызның танылган остабикәсе Рәсимә апа Ганиева үзенең үгет-нәсыйхәтлә-рен җиткерде.
Бәйрәмнең дини өлеше тәмамлангач, Рәгыйдә Бадыйкова тантаналы кичәнең икенче өлешен ачык дип игълан итте. Ул мул итеп әзерләнгән сый-нигъмәт тулы өстәлләр янында дәвам итте.
Шенталы районының “Нур” татар мәдәни-агарту җәмгыяте рәисе Лимуза Бикмөхәммәтова, барыбызны да Өлкәннәр көне белән котлап, якты, матур киләчәк, исәнлек-саулык, бхетле картлык теләде.
Әйтергә кирәк, апалар, абыйлар чарага бик яхшы әзерләнгәннәр иде. Үзләре белән иҗади күчтәнәчләр дә алып килгәннәр. Авылы-бызның шагыйрәсе Гөлсинә апа Дәрҗеманова яшьлек турындагы шигъри тәлгәшләрен бүләк итте. Ә Наил Садретдинов, гомерлек дусты — гармунда уйнап, “Үтте дә китте яшьлегем”, “Яшь имәннәр” җырларын башкарды.
Денис авылы Мәдәният йортының “Чулпан” фольклор ансамбле күрсәткән җыр-биюле тамаша кунак-ларны дәртләндереп, аларны яшьлек елларына кайтаргандай булды.
Мәкаләне тулысынча газетабыз битләрендә укый аласыз.
Нурсинә ХӘКИМОВА.
«Бердәмлек».
Просмотров: 484