Мәчәләй мәктәбе укытучылары һәм укучылары хезмәт ветераны Нәгыймә әби Исмәгыйлева белән очрашу вакытында.

Быел Мәчәләй авылында эшләнә торган барлык иҗтимагый эшләр дә Бөек Җиңүнең 70 еллыгына багышлап үткәрелә. Узган елның 1 октябрендә үткәрелгән Өлкәннәр көнендә зур концерт куйдык. Матур-матур җырлар, шигырьләр тыңлап, ашап-эчеп ял иттеләр өлкәннәр. Ә соңында үзләренең яшьлек елларын искә төшереп, яраткан җырларын җырлашып, уеннар уйнап, биешеп күңел ачтылар.

Ә 27 январьда, Ленинград шәһәре боҗрасын өзгән көнне, мәчеттә зур сөйләшү үткәрелде. Ленинград фронтында сугышкан авылдашыбыз Хәйбрахман Ибраһим улы Ганиевны искә алып, өлкәннәр аның рухына багышлап дога кылдылар. Читать полностью →

Бөек җиңүгә 70 ел тулу уңаеннан Похвистнево районы үзәгеннән “Сугыш балалары” исемлеген барларга кирәк, дигән фәрман килде. Гали авылы мәктәбенең тәрбия эшләре буенча директор урынбасары Кәүсәр Шәйхетдинова башка укытучылар белән бергәләп җиң сызганып эшкә кереште. 

Исемлеккә карап кичергән хис-тойгыларыбызны сүз белән генә әйтеп бетерерлек түгел иде. Анда барыбызның  әбиләребез, бабайларыбыз, туганнарыбыз… Исем саен ачы язмыш, канлы яшь. Шундыйларның берсе — Гыйзьямал әби СӘГЪДИЕВА (ГАЛЛӘМОВА).  Читать полностью →

Челно-Вер­ши­ны районының Совет Нор­латы авылында яшәүче Рифкать белән Гүзәлия Мәх­мүтшиннар гаиләсе.

Авылда яшәүче хатын-кызларның күбесе бала үстерүдән чын ләззәт табып өлгерми дә: сабыйны тәрбияләүдән башка йорт эшләрен дә карарга кирәк бит әле. Ә авылда һәр көнне тавык чүпләп бетерә алмаслык эш чүмәләсе көтеп тора. Ярый ла, яраткан ирең бераз булса да ярдәм итсә… Ә ул да көне-төне эштә булса, нишләргә?!

- Өченче кызыбыз Риананы  бала үстерүнең тәмен һәм ямен, шатлыгын татып калыр өчен таптым, — дип сөйли Челно-Вершины районының Совет Норлаты авылында яшәүче Гүзәлия Солтан кызы Мәхмүтшина.

Читать полностью →

Ходай Әбугали Фәхретдин улы Сөләймановка акылын да, зиһенен дә, сәламәтлеген дә, эш-гамәлләрен җиренә җиткереп үтәрлек көч-куәтен тә кызганмыйча биргән. Шуңа да хезмәт ветераны тормыш авырлыкларын зур сабырлык белән үтә.

1932 елда Похвистнево районының Мәчәләй авылында туган Әбугали кечкенә чагында ук колхозда эшли башлый. Ул вакытта кыр эшләре күбесенчә колхозчыларның кул эшен таләп иткән бит. Шуңа күрә балаларга да ата-аналары белән бергә кырларда һәм фермаларда эшләп үсәргә туры килгән. Читать полностью →

12 май – шәфкать туташлары көне

Нурания Кә­зим кызы тормыш иптәше Марат һәм игезәк кызлары Аланна һәм Элинна белән.

Камышлы районы Дәүләткол авылында туып үскән Нурания Кәзим кызы Мортазина бала чагыннан ук шәфкать туташы булырга хыялланган. Мәктәпне тәмамлагач, ул Шенталы медицина училищесында укый һәм Шенталының теш табибы кабинетына шәфкать туташы булып урнаша. Шул көннән бирле инде егерме ике ел вакыт үтеп киткән, ә Нурания ханым элек  профессиясенә ничек бирелгән булса, бүген дә аңа тугры булып кала: Читать полностью →

Самараның “Berlusconi-bar” төнге клубында “Яз кызы-2015” бәйгесе уздырылды

Самарада урта һәм олы яшьтәге милләттәшләребез өчен төрле чаралар әледән-әле үткәрелеп тора. Ә менә яшь­ләр ничектер гел читтә кала. Бәлки  заман таләпләренә туры килерлек чаралар җитеп бетмидер, дип, мин кызык­лырак чара үткәрергә, сандугачлы яшьлек таңында үзебезгә бер бәйрәм ясарга ният иттем.

Самараның интернет сайтларында “Яз кызы-2015” бәйгесе уздырылуы игълан ителгәч, егермеләп татар һәм башкорт туташлары катнашырга теләк белдерделәр. Читать полностью →

Янгын сүндерү бүлеге хезмәткәре Айдар Гәрәев.

Янгын — иң куркыныч хәл­ләрнең берседер. Мон­дый халәттә юга­лып калмаска, янгын сүндерү бүлегенә шалтыратырга кирәк. Бу турыда Камышлы районының 120 санлы янгыннан саклау бүле­гендә каравыл бүлеге җитәкчесе булып хез­мәт итүче Айдар Наил улы Гәрәев гел ка­батлап тора. Ул сөй­ләгәннәр һәркемгә дә кызыклы булыр, дип уйлыйм.  Әлбәттә, сүз аның балачагыннан ук башланды… Читать полностью →

Абдрахман Хөснетдин улы Баткаев

Бу шигырьләрне редакциягә гомер буе Куйбышев тимер юлында эшләп пенсиягә чыккан Шамил Летфулла улы Баткаев алып килде. Аларның авторы  Абдрахман Хөснетдин улы Баткаев — Шамил әфәнденең бабасы. Пенза өлкәсе, Каменский районы, Кикино авылында яшәүче сигез бала атасын Бөек Ватан сугышы вакытында Ленинград фронтына алалар. Кышкы чатнама суыкта аның  аяк бармаклары туңа һәм госпитальгә эләгә. Ярты ел буе хатынын, балаларын күрергә тилмереп яткан кешенең эчке халәте, сугыш башлаган дошманга карата нәфрәте шигъри юлларда чагыла. Абдрахман аганың ике олы улы да фашистларга каршы сугыша. Олы малае Абдулла хәбәрсез югала, ә Летфулла (Шамил Баткаевның әткәсе) япон сугышыннан исән-сау кайтып, 2005 елга кадәр яши. Читать полностью →

Тупли авылыннан Насыйбулла Ибраһим улы Хәкимов

Егерме ел әрни бу яра,

Өченче көн тоташ кар ява…

Радиалгычтан Илһам Шакировның шушы җыры яңгыраган саен зур әтием моң тыңлаган булып, уйга тала. Еш кына күзләрендә яшь бөртеге бөреләнә дә акрын гына агып төшә. Ләкин зур әти моны сизми. Ә мин, яшүсмер бала, бу хәлне беренче тапкыр гына күзәтмим. Ник елый соң зур әтием?

Әтиемнең бертуган абыйсын, Насыйбулла Ибраһим улы Хәкимовны, мин башкача атый да алмыйм, шул хәтле якын ул миңа. Бүген, инде бөек Җиңүнең 70 еллыгы якынлашып килгән көннәрдә, бу сорауга җавапны мин үзем дә аңлыйм һәм бу турыда газета укучыларына да сөйлисем килә. Читать полностью →

Хатын-кыз нечкә хисле, йомшак холыклы иркә зат, дип әйтергә яраталар. Ай-һай, алай микән? Камышлы районы,  Яңа Усман авы­лында яшәүче Сания Ба­рый кызы Җиһаншина сөйлә­гәннәрне тыңлыйк әле.

- Без яшь чакта заманалар бик авыр иде бит, — дип башлады сүзен Татарстанның Лениногорск районындагы Яңа Иштирәк авылында туып үскән Сания апа. — Колхозда эшләгәндә акча түләү дигән нәрсә юк иде. Эшләгән хезмәт көннәрен язып баралар да, көзен, уңышлар җыелып беткәч, шул эш көннәре исәбенә икмәк белән түлиләр иде. Читать полностью →

Гайфулла бабай Хамматшин Яңа Ярмәк авылында туа.

Әтиемнең әнисе — яраткан Тәнзилә әбием белән икәүләшеп гаилә альбомын карарга яратабыз. Минем сабый, әтиемнең яшүсмер вакытта төшкән фотосурәтләре арасында иске, аклы-каралылары да бар. “Бу — минем олы апаларым, ә болары — Газизнур белән Исламнур абыйларың”, — дип аңлата әбием, сурәтләрдәге кешеләргә күрсәтеп. Бу яшь кенә егет-кызларда бүгенге олы туганнарыбызны тану миңа кыенрак.

- Ә менә монысы — әтием Гайфулла, синең дәү бабаң була, — ди Тәнзилә әби, бер бабай рәсемен кулы белән сыпырып. Ул еш кына миңа аның турында сөйли. Читать полностью →