10 октябрьдә якташыбыз Касыйм Фәтхетдин улы Фәтхетдиновның тууына — 120 ел

Татар шигърияте белгечләренә ул Демьян Фәтхи псевдонимы белән билгеле, ләкин күпчелек кешеләр аның исемен бөтенләй белмиләр. Чыннан да, әдәби дөнья өчен дә якташыбыз якты һәм шул ук вакытта инде онытылган шәхес булып тора. 40 яшенә дә җитмичә вафат булган шагыйрь гомеренең 17 елын әдәбиятка багышлаган — педагогика техникумының стена газетасындагы шигырьләрдән алып, окоплардан Казанга җибәрелгән фронт «өчпочмакларына» кадәр. Читать полностью →

Быел Олылар көне тирән уйларга чумдырды. Менә инде без дә өлкән кешеләр исемлегендә. Ә бит әле кайчан гына яшь кебек идек. Ул вакытларда авылыбыз да гөрләп тора иде. Халык бихисап, яшьләр дә күп. Ә Иске Мәчәләйнең гүзәл табигатенә исләрең китәр! Үз вакытында бирегә килеп урнашкан әби-бабаларыбыз бигрәк матур урынны сайлап алганнар да инде. Ике урманның нәкъ уртасыннан инеш ага. Элек язларын ул ярларыннан чыга да, зур ташулар була иде. Халык бергәләп шуны карарга бара. Бала-чага уенчык көймәләр җибәрә. Читать полностью →

5 октябрьдә бөтен илебез Укытучылар көнен билгеләп үтте. Шушы уңайдан Подбельск мәктәбенең Мәчәләй филиалында педагогик хезмәт ветераннары белән очрашу узды. Читать полностью →

3 октябрьдә Казанның Бокс һәм өстәл теннисы үзәгендә муай-тай көрәше буенча Татарстан Республикасы чемпионаты һәм беренчелеге узды. Татамида җиде төбәктән — Татарстан, Чувашия, Марий Эл, Киров, Түбән Новгород, Ульяновск һәм Самара өлкәләреннән 260тан артык спортчы очрашты. Күпчелек катнашучылар өчен бу ярышлар бөтенроссия турнирларына әзерлектә — мөһим адым, ә җанатарлар өчен тай боксының көчен һәм матурлыгын яңача күрергә сәбәп булды. Читать полностью →

Яңа белемнәр үзләштерергә беркайчан да соң түгел!

Шушы көннәрдә без, әби-бабаларыбызны, әти-әниләребезне Олылар көне белән котлап, аларга җылы теләкләребезне, ихлас рәхмәтләребезне җиткердек, матур бүләкләребезне тапшырдык. Читать полностью →

«Яратам мин балаларны, шуңа да мин – мөгаллим!» Бу сүзләрдә — бөтен бер язмыш, бөтен бер тормыш юлы. Шушы гади генә җөмләдә укытучы һөнәренең төп мәгънәсе чагыла: балаларны сөю, аларга үзенең йөрәк җылысын, үзенең белемен, үзенең тормыш тәҗрибәсен бүләк итү.

Денис авылы мәктәбенең башлангыч сыйныфларында татар теле һәм әдәбияты дәресләрен укытучы Гөлшат Җәүдәт кызы Минхәерова — нәкъ шундый мөгаллимнәрнең берсе. Ул 1994 елда Бөгелмә педагогия училищесын тәмамлаган һәм шуннан алып бүгенге көнгә кадәр үз һөнәренә тугры булып кала – менә инде 32 ел туган мәктәбендә белем бирә. Читать полностью →

1 октябрьдә Зубчаниновка бистәсенең «Болгар мирасы» мәчете имамы Расих хәзрәт Вакказовка — 50 яшь!

Акыллы, төпле, зыялы, һәрнәрсәгә карата үз сүзе, үз карашы, үз фикере булган Расих Әхмәтшамил улы Вакказов — шәһәребезнең мөселман җәмгыятендә күренекле, абруйлы һәм ихтирамлы дин әһеле. Оста оратор буларак та билгеле ул. Аның милли һәм дини чараларда ясаган ялкынлы чыгышлары, йөрәк түренә үтеп кереп, берсен дә битараф калдыра алмый. Гомумән, кешеләрне үзенә җәлеп итә торган сөйкемле сөяге бар хәзрәтнең. Моңа аның нурлы күзләре, ихлас елмаюы, ягымлылыгы яисә ышанычлы сүзе сәбәпчеме – бу мөһим түгел. Иң әһәмиятлесе — ул алда торучы, башкаларны үзе артыннан алып баручы дип тәрҗемә ителгән “имам” сүзенең асылына тулысынча туры килә. Читать полностью →

Красный Яр районында инвалидлар өчен ярыш үткәрелде

Табигать кочагында, саф һава сулап, бөҗәк очканы да ишетерлек искиткеч тынлыкта балык тотып утыруы ни рәхәт! Моның тәмен әлеге шөгыль белән чын-чынлап мавыгучылар гына яхшы беләләр. Читать полностью →

Ел саен көзнең иң матур вакытында – әбиләр чуагы башланган көннәрдә Самара өлкәсендә яшәүче халыклар дуслыгы көне билгеләп үтелә. Әлеге истәлекле датаны бәйрәм итү программасы һәрчак күпсанлы масштаблы чараларны үз эченә ала. Ә менә Милли туйлар фестивале алар арасында аеруча мөһим булып тора сыман. Бу – буыннарны, төрле мәдәниятләрне һәм гореф-гадәтләрне берләштерүче, гаиләнең әһәмиятен ассызыклаучы чара, тере тарих бәйрәме! Читать полностью →

Бу ялларда безнең яраткан шәһәребезгә 440 ел тулды. Шушы вакыт эчендә ул Идел буендагы ныгытмадан (крепость) уникаль фәнни һәм җитештерү потенциалы булган заманча мегаполиска әверелгән. 2026 ел Россия халыкларының бердәмлеге елы дип игълан ителде. Күпмилләтле Самарада бу аеруча актуаль яңгырый. Губернада яшәгән 130га якын милләт төбәкнең кабатланмас мәдәни коды булып тора. Читать полностью →

Рәшит Мигъдәт улы Шакиров бакыйлыкка күчте…

Узган якшәмбедә биографиясе Самара төбәге тарихы һәм татар иҗтимагый тормышы белән аерылгысыз бәйле булган кеше — Рәшит Мигъдәт улы Шакиров якты дөнья белән хушлашты. Эш сөючән, принципиаль, сәләтле һәм намуслы шәхес иде ул… Читать полностью →

От имени редакции областной татарской общественно политической газеты «Бердэмлек» обращаюсь ко всем самарским татарским предпринимателям с искренней просьбой о помощи. Читать полностью →