Ринат ӘБҮСӘЕТОВ крестьян хуҗалыгының алдынгы яшь механизаторлары Фидаил РӘҖӘПОВ һәм Илфат ЛОКМАНОВ.
Юл читендәге каен агачлары беренче матур яшеллеккә күмелеп утырган көндә, Камышлы якларыннан кайтып килгәндә, кояш баеп, эңгер-меңгер төшеп килүгә карамастан, басуда чәчү агрегаты эшләп торганын күреп, аның янында тукталырга булдым. Биредә мәш килеп, арпа чәчеп ятучы ике яшь егет үзләрен Фидаил Рәҗәпов һәм Илфат Локманов дип таныштырдылар, алар Татар Әбдекиеннән икән.
Олег Фәһим улы Нуруллин өчен май ахыры — икеләтә бәйрәм. Бөтен дөнья шау чәчәккә күмелеп утырган матур бу чорда ул үзенең туган көнен һәм һөнәри бәйрәмен билгеләп үтә. Чик сакчылары көне алдыннан туган бу малайның язмышын йолдызлар язган, күрәсең. Антына тугры офицер, подполковник, разведчик, чик сакчысы Олег Нуруллин үзенең хезмәт юлы белән горурлана ала.
Чик сүзе тирән мәгънәгә ия. Ул бит җир өстеннән сызылган сызык кына түгел. Чикләр илләр аша да, йөрәкләр аша да үтә. Хәтта туып үскән шәһәреңнең аэро- һәм тимер юл вокзалы да чик булырга мөмкин. Һәм һәр җирдә гади халыкның тыныч тормышын тәэмин итүче уяу сакчыларыбыз бар. Читать полностью
Безнең Самара өлкәсендә беренчеләрдән булып 1994 елдан Халыкара гаилә көне билгеләнеп үтелә башлаган иде. Менә быел да бу шулай булды. 15 майда Самара академия опера һәм балет театры бинасында шушы көнгә багышланган тантаналы чара уздырылды.
Самара өлкәсе губернаторы һәм хөкүмәте исеменнән бәйрәмгә килүчеләрне вице-губернатор – өлкә хөкүмәте рәисе Александр Нефедов тәбрикләде. Төбәгебезнең үрнәк 17 гаиләсенә балалар тәрбияләүгә һәм гаилә традицияләрен ныгытуга керткән зур өлешләре өчен өлкә губернаторының Мактау грамоталары һәм Рәхмәт хатлары тапшырылды. Шулар арасында Похвистнево районыннан тугыз бала тәрбияләүче (шуларның җидесе тәрбиягә алган балалар) Гөлсинә Мөзәки кызы һәм Фәнил Шамил улы СУБЕЕВЛАР да бар иде. Читать полностью
Гали авылы Агротуризм үзәгендә Похвистнево районының 85 еллыгына багышланган тантаналы кичә уздырылды. Көн яңгырлы булуга карамастан, бирегә район үзәгеннән, авыллардан, Самарадан бик күп кунаклар җыелган иде. Читать полностью
Тиздән бездә бик зур бәйрәм — 14 июньдә өлкә авыллары САБАН ТУЕ булачак!
Безнең Татар Әбдекие бик тә матур җирдә, Самара өлкәсе белән Татарстан Республикасының нәкъ чигендә урнашкан. Без үзебезнең ут күршеләребез Татарстанның Чирмешән һәм Лениногорск районнары халкы белән гел тыгыз элемтәдә, дуслар булып яшибез. Күршеләрең үзеңнән яхшырак булырга тиеш дигән халык әйтеме нәкъ алар турында инде. Май аенда башта безнең Татар Әбдекие Мәдәният йортында Лениногорск шәһәреннән җырчылар Миләүшә һәм Рөстәм Идиятовлар, ә берничә көн үткәч, “Чирмешән энҗеләре” дип аталган төркем бик матур чыгыш ясады.
Камышлы районының Мәдәният йортында Иске Ярмәк авылының гармун ясау остасы Гали Гәрәевнең тууына 102 ел тулуга багышланган икенче регионара “Уйнагыз, Гали гармуннары!” фестивале булып узды.
Иртәнге сәгать 10 да сайлап алу туры башланып, ул төшке ашка кадәр дәвам итте. Программаны бик матур, эчтәлекле, саф татар телендә район мәдәният бүлеге хезмәткәре Алсу Шәкүрова алып барды. Читать полностью
31 майда сәгать 10да Самараның Струковлар паркында XXII Пресса фестивале уздырыла. Аны Самара шәһәр округы администрациясе белән бергә Россия Журналистлар берлегенең Самара өлкәсе оешмасы оештыра.
Быелгы фестиваль Мәдәнияткә багышланып, “Дөньяны тагын да матуррак итик” девизы астында үтәчәк. Читать полностью
Самараның “Дуслык” региональ оешмасы каршында өлкә хатын-кызларының “Ак калфак” бүлеген оештыру буенча иницитив төркем булдырылган иде. Ниһаять, оештыру комитеты бу яңа оешманың оештыру җыелышын үткәрергә карар кылды. Ул 5 июньдә 17 сәгатьтә Самараның Халыклар дуслыгы йортының тамаша залында уздырылачак.
Читать полностью
1 июньдә, якшәмбе көнне, Тольяттиның Автозавод районындагы “Прибрежный” (Идел буе) паркында (Спортивный урамы, 8нче кварталга каршы) шәһәр милли-мәдәни автономиясе 27нче мәртәбә халкыбызның Сабан туе бәйрәмен уздыра.
Иртәнге сәгать 10да Сабан туеның мөхтәрәм кунакларын каршы алу тантанасы булачак. Читать полностью
Айсылу КАЮМОВА.
Камышлының үзәк урамыннан Дәүләтколга таба узганда сул якта күпкатлы, ак һәм ачык зәңгәр төсләргә буялган мәһабәт яңа бинага күзең төшә. Бу район үзәгендә менә уннарча ел инде төзелүче бина әле һаман да төзелеп бетә алмаган булачак гомуми белем бирү комплексы. Әйтүләренчә, мондый мәктәп бинасы авыл районнарында, булса да, бик сирәктер, мөгаен. Комплексның беренче чиратын әле үткән елның сентябрендә үк ачу каралган булган, диләр. Биналарга парталар, өстәлләр, башка мебель, кирәкле җиһазлар кайтарылса да, тик кайсыбер эчке бизәлеш эшләренең сыйфатсыз башкарылуы аркасында бинаны файдалануга тапшыра алмаганнар.
Ә хәзер төзү эшләре нинди хәлдә икән? Мәктәп иске бинада булса да, укытулар ничек бара икән? Шуларны белү өчен уку йортының җитәкчесе белән очрашып сөйләшергә булдым. Читать полностью
Әтиемнең Мәннән исемле агасы күрше рус авылында булып кайткач: “Урысларның кечкенә генә балалары да үзләренчә бик яхшы сөйлиләр. Шунысы гаҗәп, мин, олы булсам да, русча начар сөйлим, алар кайдан өйрәнделәр икән?” — дип аптыраган, ди. “Әй, агай, әниең Мария, әтиең Иван булып, синең белән гел русча гына сөйләшсәләр, син бу телне алардан да яхшырак белер идең!” — дигән аңа әти. Читать полностью
Без данлыклы Гали авылының Башкорт урамында (аны рәсми рәвештә Заречная дип атап йөртәләр) яшибез. Аны башка урамнардан кечкенә генә елга аерып тора. Тау итәгенә җәелеп утырган бу урамда бүгенге көндә 33 йорт бар. Биредә яшәүчеләр барсы да бик уңганнар: бакча чәчәләр, мал-туар үрчетәләр, теплицаларында помидор, кы яр үстерәләр. Шуңа тормышлары да җитеш. Һәр йортта диярлек 2 – 3 машина бар. Читать полностью
10 мая 2014 года в Самаре в УСК МТЛ «АРЕНА» состоялся III региональный открытый турнир среди мужчин по волейболу «Дружба народов – 2014». Мероприятие проводилось в рамках комплексного плана по гармонизации межэтнических отношений в Самарской области и календарного плана официальных физкультурных и спортивных мероприятий Самарской области на 2014 год. Организаторы – Министерство спорта, туризма и молодежной политики Самарской области, государственное казённое учреждение Самарской области «Дом дружбы народов» и общественная организация «Федерация волейбола Самарской области».