Флера ТАРХАНОВА һәм Айдар ХӘЛИМ.

Кышның карлы матур көннәренең берсендә Камышлыда уздырылган бәйрәм изгеләрнең изгесе, татарларның көзгесе Әлифба” китабына һәм аның авторларына – якташыбыз Сәләй ага ВАГЫЙЗОВка һәм аның тормыш иптәше Рәмзия ханым ВӘЛИТОВАга багышланган иде. Читать полностью →

Декабрь урталарында Самара – Нурлат — Казан – Чистай маршруты белән бара торган автобус, Кошки районының Яңа Фәйзулла (Яңа Җүрәй) авылы янындагы борылышка керә алмыйча, капланган иде. Бәхеткә, бу авариядә үлем-җитем булмады, берничә кеше яраланды.

Ләкин алдыңнан баручы автобусның тайгак юлда әйләнеп каплануын күрү, аның ишек-тәрәзәләрен ватып, канга баткан кешеләрнең чыга башлавын күзәтү бик авыр булгандыр. Хәтта гомере буе машина йөрткән Рәфис Харрас улы Мөхәммәтовка да бу күренеш үтә куркыныч була. Ә ул күпне күргән кеше бит инде. Читать полностью →

26 декабрьдә өлкә губернаторы Николай Меркушкин губерна Думасы депутатларына һәм төбәгебездә яшәүчеләрнең барсына да үзенең еллык Юлламасы белән мөрәҗәгать итте. Анда ул үтеп баручы елга йомгаклар ясады, якын перспективага планнар билгеләде. Читать полностью →

Губернабызда «Россия йөрәгендә туганнар» үзешчән сәнгать коллективлары фестивале үткән елның 28 октябрендә тантаналы рәвештә ачылган иде. Бу күләмле чарада өлкәнең 37 районы да катнашып, үзешчән коллективлар берсеннән-берсе матуррак программалар күрсәттеләр. Декабрь ахырында график буенча куелган отчет концертлары тәмамланды, ә иң яхшы номерлар 14 февральдә үтәчәк гала-концертка сайлап алынды. Россия йөрәгендә яшәүче күпмилләтле халкыбызның иҗат җимешләре рус, мордва, чуваш, татар телләрендә яңгырады, һәм аларның барысын да патриотизм хисе берләштерде. Читать полностью →

Похвистнево районы Иске Мәчәләй авылының Җәмәгать советы бөтен авыл эшләрен барлап, хәл итеп тора. Аның эшендә дүрт мәчетебезнең имамнары да актив катнаша. Алар авылдашларыбызны хезмәт сөючән, туган җирне кадерләп саклаучы булырга өйрәтәләр. Һәр мөселман нәкъ шундый булса, милләтебез дә алга китәр иде. Читать полностью →

Гали авылында, бераз соңгарыбрак булса да, Россия Конституциясенең 20 еллыгына багышлап бәйрәм концерты күрсәтелде. Оештыручылар программаны никтер рус телендә алып барсалар да, чыгышларның бөтенесе дә чын безнеңчә, чын татарча иде.Мәктәп укучылары әзерләгән бу тамаша бик күңелле, шаярулар һәм дәртле биюләр белән үрелеп барды. Читать полностью →

Яңа ел – әкиятләр һәм могҗизалар вакыты, иң кыю хыяллар тормышка аша торган чак.  Тик менә хыялланып утырып кына тормыш бармый икән шул. Аны тормышка ашыру өчен тәвәккәллек тә, ихтыяр көче дә, үҗәтлек тә кирәк.

Җәй башында Похвистнево районының Гали авылында эшкуар Расих Латыйпов агротуризм үзәге төзи башлаганда, кышын биредә чаңгы шуу комплексы да булыр, дигән иде. Аның вәгъдәләре дә, хыяллары да, Аллага шөкер, тормышка ашып тора. Читать полностью →

Минем әбием Рауза Зыятдин кызы Таҗетдинова Ульян өлкәсенең Зирекле Куак авылында колхозчы гаиләсендә алтынчы бала булып дөньяга килә. Ә аларның гаиләсендә барлыгы сигез бала булган. Әти-әниләре эштә вакытта өлкәннәре кечеләрен караганнар, йорт эшләрен башкарганнар. Читать полностью →

Шатлыкка, өлкәбездә озак еллар нәшер ителүче “Бердәмлек” газетасын яратып укучылар бик күп. Аларның һәркайсының бу басмага үз карашы, үз фикере, әйтер сүзләре бар. Шундыйларның берсе — Камышлы муниципаль районы башлыгының Аппарат җитәкчесе Раил Мөхәммәт улы ШӘКҮРОВ. Ул бик теләп бу турыда үзенең уй-фикерләре белән уртаклашты. Шул әңгәмәбезне “Бердәмлек” газетасы укучыларына да тәкъдим итәргә булдык. Читать полностью →

Күптән түгел генә сезнең Камышлыда булдым. Бик яхшы кабул иттеләр. Анда “Әлифба” китабын язучы татарның бөек тел галимнәре Сәләй ага Вагыйзов һәм Рәмзия апа Вәлитовгаа багышланган кичәдә катнаштым. Сәләй ага — миңа җизни тиешле кеше һәм сезнең Камышлы районының Татар Байтуганы авылында туган бит. Байтуганда чакта аларга багышланган яңа шигырь туды. Мин аны, моннан бер-ике ел элек язылган шигырьләр гөләндәмемә утыртып, сезгә җибәрәм. “Бердәмлек” бик матур чыга. Иҗади уңышларыгыз белән дә, Яңа ел белән дә котлыйм. Сәләй җизни белән Рәмзия апага  багышлаган шигыремне “Бердәмлек”кә куйсагыз, мин бик тә рәхмәтле булыр идем.

Сезне олы хөрмәт итеп Татарстанның Яр Чаллы шәһәрендә яшәүче

татар шагыйре Айдар ХӘЛИМ. Читать полностью →

Без аның белән күптәнге танышлар идек. Марат абый (документлары буенча исеме Мурат дип язылса да, барсы да аны шулай атыйлар иде) өлкә “Туган тел” татар җәмгыяте оешмасы эшли башлаган беренче көннәрдән үк аның иң актив әгъзаларының берсенә әйләнде һәм бөтен җаны-тәне белән җәмәгать эшләрен башкарырга алынды. “Бердәмлек” өлкә татар газетасының беренче саныннан аның иң актив хәбәрчесе булды. Нәрсәләр турында гына язмады икән ул? Читать полностью →