(Сулдан уңга) Радик Яруллин, Сания Абрагимова һәм режиссер Гаяр Нариманов.
Самараның “Художественный” кинотеатрында Мәскәү режиссеры Гаяр Нуримановның “Мәхәббәт — ул йөрәк эше — 2” дип аталган фильм күрсәтелде. 300 кешелек зал шыгрым тулы иде.
Фильм башланыр алдыннан режиссер һәм төп рольләрнең берсен башкарган Радик Яруллин, тамашачыларны сәламләп, хәерле карау теләделәр. Фильм тәмамлангач та кунаклар тамашачы алдына чыгып, күп сорауларга җавап бирделәр, рәсемнәргә төштеләр. Читать полностью
Оренбургта 1906-1918 елларда нәшер ителгән «Вакытъ» газетасының элмә тактасы.
Оренбургның бүгенге “Яңа вакыт” газетасының чишмә башында торган “Вакытъ” иҗтимагый-сәяси газетасына 110 яшь тулды
Аны оештыручы Шакир һәм Закир Рәмиевлар газетага юкка гына бу исемне бирмәгәннәр. Меценатлар вакыт бәясен белгәннәр һәм заман белән бергә атлаганнар.
Стамбулда югары белем алганнан соң Рәмиевлар Оренбургка күченәләр. Татар газетасы чыгару теләге белән янып йөргән Шакир һәм Закир әфәнделәр моның өчен 15 елга якын рөхсәт юллап йөриләр. Һәм, ниһаять, хыяллары тормышка аша — 1906 елның 2 февралендә Рәмиевлар Петербургтан уңай җавап алалар. Тиздән, 21 февральдә, “Вакытъ” газетасының беренче саны дөнья күрә. Читать полностью
Татарстан Республикасы Президенты Рөстәм Миңнеханов Гали авылы эшмәкәре Расих Латыйпов белән.
Быел яз Казанда V Бөтенроссия татар авыллары эшмәкәрләре җыены булып узды. Анда Россия Федерациясенең 36 регионыннан 700гә якын кече бизнес вәкилләре һәм фермер хуҗалыклары җитәкчеләре җыелган иде. Алар өч секциягә бүленеп эшләделәр.
Терлекчелек һәм кошчылык белән шөгыльләнүче эшмәкәрләр җыелышы Татарстан Республикасының авыл хуҗалыгы һәм азык-төлек министрлыгы бинасында узды. Анда катнашучылар үзләренең эшчәнлеге белән таныштырды, төрле тәкъдимнәр дә яңгырады. Читать полностью
Күрше балалары. Сулдан икенче — авторның бертуган энесе Ришат.
Татар кешесе туган ягын, үскән авылын, бергә яшәгән күршеләрен һәм дусларын сагынганда хисләрен җырга салып җырлый. Кызганычка, мин алай ук матур итеп җырлый белмим. Ә сагынуым, чыннан да, чиктән ашкан. Кайчакта туган авылыма кайтым яшисе килә. Ләкин хәзерге авылны түгел, ә элеккеге, салам түбәле, бүрәнә аралары балчык белән сыланган, пөхтә итеп акшарланган өйле авылымны сагынам. Әтием Гәрәй белән әнкәм Хатирә Идиятовлар да исән булсыннар, шунда йөрсеннәр иде. Читать полностью
Зур кызыксыну белән Илдус Диндаровның «Мин җырлыймын шырдыйны…» дип аталган («Бердәмлек», №12, 12 март 2016 ел) татар эстрадасы хакында уйлануларын укыдым. Аның фикерләре белән килешәм, күптән һәм күбебезне борчый торган теманы күтәргән мөхтәрәм автор.
Бу хакта сөйләшүне бераз җиргә якынрак килеп дәвам итик, диимме инде? Читать полностью
Алисә ханым Хаматшина (артта) китапханәгә экскурсиягә килгән “Ромашка” балалар бакчасы сабыйларын кабул итә.
Авыл китапханәсе, үзенә күрә, мәдәни үзәк булып хезмәт итә. Халык анда китап алырга гына йөрми, ул — аралашу урыны да, рухи азык чыганагы да.
Ләкин күп авылларда китапханәләр ябыла. Камышлы районында үткән ел ахырында гына да 4 китапханә шундый язмышка дучар булган.
- Безне бу бәла әлегә читләтеп узды, — ди Камышлы районының Яңа Ярмәк авылы китапханәчесе Алисә Хаматшина. — Авылыбыз бик зур булмаса да, китап укырга яратучылар күп. Бу ел башыннан укырга алынган китапларның саны гына да 700гә якын. Читать полностью
Татарстан — Яңа гасыр “Планета” телеканалында драматург Илгиз Зәйниев әсәре буенча Әлмәт драма театры сәхнәгә куйган “Балакаем” спектаклен карагач (режиссёры Нәфисә Исмәгыйлева), түзмәдем, кулыма каләм алып, үземнең борчулы хисләрем белән уртаклашырга булдым. Читать полностью
Рәфыйк Ваһаҗев.
12 апрель – Космонавтика көне
Мин бу авылдашымны ике-өч ел элек, Самараның Киров мәйданындагы Мәдәният сараенда гөрләп узган Филүс Каһиров концертында очраттым. Рәфыйк абый Ваһаҗевның Иске Ярмәк авылы тарихчысы, Бөек Ватан сугышы ветераны Әсгать абый Мөхәммәтҗановның “Прогресс” космик кораблар төзү заводында эшләүче олы улы икәнлеген генә белә идем. Рәфыйк абый, киң күңелле кеше буларак, бу кимчелекне төзәтеп, якыннанрак танышу нияте белән мине кунакка да дәшкән иде. Ләкин бу очрашу быел гына насыйп булган икән. Читать полностью
Юрий Гагарин хатыны белән һәм космонавт Владимир Комаров (сулда) Сочида ял ил иткән вакытларында. 20 ноябрь, 1964 ел.
12 апрельдә — Юрий Гагаринның космоска очуына 55 ел
1961 елның 12 апреле миллионнарның хәтерендә сакланган кебек, минем дә исемдә мәңгегә уелып калды. Без, Рождествено авыл хуҗалыгы техникумында агроном булырга укыган бер төркем студентлар, поездга утырып, Сергиевск районындагы Суходол тимер юл станциясенә 1961 елның 12 апрель иртәсендә килеп төштек. Исаклы районының “Рассвет” совхозына практика үтәргә баруыбыз иде. Көч-хәл белән азаплана-азаплана йөк машинасы әрҗәсенә менеп утырып, язгы баткак юллардан район үзәгенә төш вакытында гына барып җиттек. Үзәк мәйдандагы баганага эленгән радиодан атаклы Мәскәү дикторы Юрий Левитанның көр тавышы яңгырый. Ул совет кешесе Юрий Гагаринның беренче тапкыр галәмгә — космоска очуы турында хәбәр укый иде. Читать полностью
Сөекле Тукаебыз тормышы һәм иҗаты белән минем беренче танышуым татар мәктәбенең башлангычына туры килгән иде. Аның балалар өчен язылган “Кәҗә белән сарык” әкияте, “Бала белән күбәләк”, “Мияубикә”, “Кызыклы шәкерт”, “Шаян песи” кебек шигырьләре әле хәзер дә көмеш кыңгыраулар сыман колагымда яңгырыйлар. Шагыйрь: «Һич сине куркытмасыннар Шүрәле, җен һәм убыр — барчасы юк сүз, аларның булганы юктыр гомер”, — дип кисәтеп язса да, урманда йөргән чакта артымнан Шүрәле басып җитәр дә, “кети-кети” уйнарга чакырыр, ә елгадан Су анасы килеп чыгар кебек тоела иде. Бу инде Тукаебызның иҗатындагы сурәт-рәвешләрнең тирән тәэсире булгандыр. Читать полностью
Ачык дәрес вакытында.
Подбельск урта мәктәбенең Иске Мәчәләй авылындагы тугызъеллык филиалында “Гореф-гадәтләребезне, милли йолаларыбызны саклап калсак, гомеребез дә сакланыр”, — дип аталган фәнни семинар булып үтте. Бирегә Похвистнево муниципаль районы имам- мөхтәсибе Илнур Гайнетдинов, Иске Мәчәләй мәчете имамы Таһир Булатов, Подбельск, Первомайск мәктәпләре укытучылары, ата-аналар килгән иде. Кызганычка, башка татар мәктәпләре укытучылары семинарга килә алмаганнар. Читать полностью
Күптән түгел Оренбургның Мирхәйдәр Фәйзи исемендәге дәүләт драма театры үзенең 110 һәм театрның яңадан торгызылуына 25 елллык юбилейларын билгеләп үтте. Ә 18 апрельдә инде ут күршеләребез Самарага гастрольләргә килә.
Алар Киров мәйданындагы Мәдәният сараенда 19 сәгатьтә Айгөл Әхмәтгалиева пьесасы буенча куелган “Ул бит кичә генә иде” дип аталган лирик комедия күрсәтәчәкләр. Читать полностью