Сок елгасы һәм тау тезмәләре арасында, агачлар белән уратылып алынган яшел хәтфәле аланда зур зәвык белән Сабан туе мәйданы ясалган. 4 июньдә аның әйләнәсендә Камышлы районында яшәүче милләтләрнең “йорт”лары һәм чатырлары тезелеп китте. Хуҗалар милли киемнәргә киенеп-ясанып, Сабан туе кунакларын үзләренең чатырларына чакырып тордылар, теләүчеләрне милли ризыклар белән сыйладылар.
Сабан туена чакырылган мактаулы кунаклар Камышлы районы башлыгы Рафаэль Баһаутдинов белән бергәләп бәйрәм башланыр алдыннан “йорт”-чатырларда да булып, барсын да карап, аларның хуҗалары белән танышып чыктылар.
Аннан соң бәйрәмне ачу тантанасы башланды. Татар, рус, чуваш һәм башка милләт вәкилләреннән оештырылган зур җыелма сәнгать коллективы бик тә матур вокаль-хореографик композиция башкарды. Төп мәйданга төрледән-төрле әләмнәр, транспарантлар, шарлар белән бизәлгән колонналарга төзелеп, авыл җирлекләре, предприятиеләр, оешмалар вәкилләре килеп керде.
Бәйрәмнең мөхтәрәм кунаклары чыгышлар ясадылар һәм хезмәт алдынгыларын, ветераннарны бүләкләделәр.
Сабантуй зур бәйрәм концерты, милли көрәш бәйгесе, уеннар белән дәвам итте.
Безнең сайтта әлеге чара турында тәфсиллерәк мәкалә дә урын алыр.
Просмотров: 2368
Новости депутата Казакова — Сабантуй: люди, судьбы, традиции: http://v-kazakov.ru/2016/06/06/sabantuy/
я здесь была, класс!!!!!
Вечером для молодежи даже дискотеки не было..
так какая дискотека, туганым, Рамазан ае килеп житте…