Сара апа САДЫЙКОВАның 1982 елда төшерелгән фотосурәте.
2017 елның 27 октябрендә Казанда тугызынчы мәртәбә күренекле татар композиторы һәм җырчысы Сара Садыйковага багышланган фестиваль-конкурс уздырыла. Бу юлы ул “Татар халкының сөекле композиторының тууына 111 ел” дигән девиз астында үтәчәк.
Фестиваль-конкурс ике елга бер тапкыр яшьләре буенча өч төркемгә — 7 яшьтән 10 яшькә, 11дән — 14кә һәм 15тән 17 яшькә кадәр бүленеп үткәрелә.
Жюри тарафыннан солистлар (вокал, инструменталь башкаручылар), вокал ансамбльләр (дуэт, трио һәм башкалар), камер-инструменталь соло, ансамбльләр номинацияләрендә иң яхшы чыгышлар билгеләнәчәк.
Фестивальдә тере тавыш белән генә җырлау каралган. Фонограмма куллану тыела.
Конкурста катнашырга теләүчеләр 20 октябрьгә кадәр оештыру комитеты исеменә: 420012 г.Казань, ул.Чкалова, д.8 адресы буенча (тел./факс 8(843) 554-40-01яисә электрон почтага gimn-4-kir@yandex.ru анкета-заявка җибәрергә тиешләр.
Анкета-заявкада түбәндәгеләр күрсәтелергә тиеш:
а) хронометраж белән башкарылачак программа (Сара Садыйкованың бер әсәре яисә аның җырлары инструменталь башкаруда);
б) мәктәпнең исеме, саны, кайда, нинди адрес буенча урнашуы, башкаручының, җитәкченең, концертмейстерның фамилиясе, исеме, атасының исеме;
в) яше, ансамбльнең составы, катнашучыларның саны;
г) аерым чыгыш ясаучыга — фотографиясен, коллективларга барлык катнашучыларының да фотографияләрен җибәрү таләп ителә;
д) адресыгыз һәм контакт өчен телефоныгыз.
Фестиваль-конкурста катнашучы укучы балаларны өлкәннәр (концертмейстер) озатып йөрергә тиеш.
Оештыру комитеты катнашучыларны репетиция биналары һәм конкурс барышында яшәү урыннары белән тәэмин итүне үз өстенә ала.
Сезне фестиваль-конкурста көтеп калабыз.
Оештыру комитеты.
Просмотров: 1106