Расих ЛАТЫЙПОВ һәм Ринат РӘХМӘТУЛЛИН.

Җырчы Ринат Рәхмәтуллин  концертының афишасын күргәч тә Гали авылы халкы гөж килеп концертка җыела башлады. Мин Мәдәният йортына килеп кергәндә залга үтеп керергә мөмкин түгел иде инде. Йортта Яңа Мансур авылыннан килгән уникеләп машина басып торуын күргәч, аңлашылды — тирә-як татар авылларыннан, Похвистневоның үзеннән дә килгән икән халык.

Оештыручылар мондый анш­лагны күреп, эскәмияләр, урындыклар чыгарып тезделәр, калган  тамашачылар басып карарга да риза булды. Шулай итеп, чын мәгънәсендә алма төшәргә урын калмагач, халык түземсезләнеп йолдызны көтә башлады. Читать полностью →

Лилия Мингулова (сулда) Россия һәм Татарстанның халык артисты Венера Ганиева белән.

Шенталы районының Татар Әбдекие авылында туып үскән, Самараның экономика университетын тәмамлаганнан соң уңышлы татар гаиләсе корып, үз өе белән яшәүче Лилия МИНГУЛОВАның тормышы кинәт үзгәрергә тора бит әле. Иртәгә, 13 декабрьдә, ТНВ каналында “Музыкаль дистә” хит-парады нәтиҗәләре буенча “Болгар радиосы” музыкаль премиясен тапшыру тантанасы уздырыла. Лилия Мингулованың “Ялгыз иттең”  җыры, хит-парадның вак иләге аша үтеп, халык арасында зур популярлык яулады һәм финалга чыкты.  Үз стиле, үзенчәлеге, кабатланмас моңы булган Лилиябез бүген премиягә дәгъва итә.

Кинәт эстрада җырчысы булып киткән урта яшьтәге хатынга аның ире дә, өч баласы, кияве һәм оныгы да нинди мөнәсәбәт күрсәтергә белми торалар. Гаҗәп хәл инде. Җайга салынган мул һәм матур тормыштан катлаулы, көнчел, һәр борылышта көтелмәгән халәт көтеп торган сәнгать дөньясына кереп чумуы бик куркыныч та, ымландыргыч та. Бу турыда  Лилия ханым белән “Бердәмлек” газетасы редакциясендә сөйләшеп утырабыз. Читать полностью →

“Ялгыз кеше барлы булса да, зарлы”, — дип әйтә татар халкы. Хак сүз. Ир кешене эштән тәмле ашлар пешереп көтеп торырга, борчу-кайгыларын уртаклашырга сөйгән яры, күңелен юатырга сабый баласы кирәк.  Ә андый бәхет кемгә ничек килә бит.
Камышлы районы Иске Ярмәк авылында яшәүче Фәрит белән Миләүшә Гайфуллиннарның бә­­хете, мәсәлән, аларны соң­лабрак тапкан. Сөткә пешкәч, су­га өреп тормаганнар, ике ялгыз тәвәккәлләгән дә, яңа тормыш сукмагыннан атлап киткән. Менә инде алтынсу-сары чәчле кызчыклары Илвина да үсеп килә. Шушы сабый бала хакына әти белән әни иртә-таңнан торып эшли, “булсын” дип тырыша. Читать полностью →

“Ак кал­фак” әгъзалары Сөмбелә бәйрәмендә.

Безнең Самара өлкәсендә хатын-кызларның “Ак калфак” оешмасы оештырылуга бары алты айлар чамасы гына әле. Шушы кыска вакыт эчендә без шактый гына эшләр башкарырга өлгердек тә инде. Бу хакта күптән түгел Казанда “Ак калфак” Бөтендөнья татар-хатын кызлары оешмасында Самара өлкә бүлеге җитәкчесе буларак миңа һәм урынбасарым Айсылу Әбдеевага хисап тотарга туры килде.
Читать полностью →

Бар бит бу дөньяда шун­дый эшлекле, курку бел­мәс, горур җанлы, Алла­һы­ның берлегенә ышанып, башкаларны да шуңа инан­дырып яшәтүче ке­шеләр. Илаһи Ходаем, андый­лар күбрәк булсын иде, ди­гән теләктә калыйк. Хак ди­небезне халык ара­сында та­нытуга, үстерүгә үз көч­ләрен жәлләмәгән мил­ләт­тәш­лә­ремне очратып сөй­ләшү — үзе бер бәхет, үзе бер могҗиза.

Сүз Новокуйбышевски шә­­һәре мөселманнары оеш­ма­сы рәисе, имам-хатыйб Әх­мәткәрим Сәгыйрь улы Минекаев турында. Җиргә нык басарга, үтемле сүз әйтергә әтисеннән өйрәнгән абыебыз моннан нәкъ 16 ел элек татар җәмәгатьчелеге каршында мәчет төзү мәсьәләсен күтәреп чыга. Өч меңнән артык мөселман кардәшләребез яшәгән шәһәрдә нигә мәчет төземәскә?! Ләкин бу артык җаваплы эшне ялгызы ерып чыга алмас, дигән сүзләр халык арасында йөрмәде түгел, йөрде. Читать полностью →

Конкурс общественного признания «Во славу отцовства» в Самарской области уже стал традиционным. В этом году от муниципального района Камышлинский к награждению была представлена одна кандидатура из села Камышла. В номинации «Отцовский труд в кровной многодетной семье» победителем стал Фарид Ибрагимов.  Читать полностью →

Бүген, 3 декабрьдә, Разия Газимҗан кызы Әюпова 70 яшьлек юбилеен билгеләп үтә

Кеше — ул кем генә булмасын, үзе бер дөнья, үзе бер тарих. Са­мараның “Татар кухнясы” ху­җа­бикәсе Разия Әюповага карап, мо­ңа тагын бер кат инанасың. Ул татар милли ризыкларын оста итеп пе­шерүе белән генә түгел, милли җан­лы булуы белән дә хәйран калдыра.

Безнең “Бердәмлек” газетасын­да аның туган телебезнең байлыгы, матурлыгы, әһәмияте, мил­лә­тебезнең язмышы турында сүз барган язмалары даими рәвештә басылып тора. Шәһәребездә һәм өлкәбездә узган милли чараларда да Разия ханым актив катнаша. Сабан туе дисеңме, Сөмбелә, Нәүрүзме — ул чәкчәк, кош телләре, гө­бәдия кебек милли ризык­ларыбызны пешереп килеп, бәйрәмгә ямь өсти. Читать полностью →

Динара Садрет­динова яшьләр форумын­да чыгыш ясый.

«Россия» телевидениесе каналында “Мөселманнар” про­граммасын алып баручы Динара Садретдинованы белмәгән мөселман кешесе юктыр, мөгаен. Җомга саен ул илебезнең төрле почмакларында яшәүче дин кардәшләребезне ис­лам динендә булган яңалыклар белән зәңгәр экран аша таныштырып тора.

Ә менә узган атнада Динара ханым Самарага килеп, Самара өлкәсе мөселманнарының региональ Диния нәзарәте оештырган “Ислам, уңыш һәм син” дип аталган яшьләр форумы эшендә катнашты. Читать полностью →

Гайнутди­новлар гаиләсе.

30 ноябрь — Әниләр көне

Хәзерге заманда бала тудырып үстерергә атлыгып торучылар сирәк. Дөрес, сабый чакта аларны ашатып-эчертеп, аркасыннан сөеп, йокларга яткырасың. Ә бала үскән саен аның мәшәкатьләре турында сөйләп тә, аңлатып та бетереп булмас иде. Дөньяга яраклы акыллы, намуслы, вөҗданлы, әхлаклы кеше тәрбияләр өчен әти-әнигә бик зур көч түгәргә туры килә. Моны үзе кичергән кеше генә аңлый ала, минемчә.

Ә менә бүгенге көндә Камышлы районының Яңа Усман авылында яшәүче Рафаэль белән Резидә Гайнетдиновлар бернидән дә курыкмыйча, өч малай тудырып, үстереп тәрбиялиләр. Менә шушы гаилә белән танышырга баргач, түрдә утырган, итәгендә сырпаланып, иркәләнүче сабыйларның әбиләре — ак әби — Мәрьям апа, игьтибарымны җәлеп итте. Читать полностью →

18-23 ноябрьдә Волгоградта Олимпия уеннары программасына кертелгән грек-рим көрәше буенча Россия беренчелегенә ярыш үткәрелде. Әлеге спорт төре белән җитди шө­гыль­ләнүче Самараның “Яктылык” татар мәктәбе укучылары да читтә калмады. Ярыштан нинди нәтиҗә белән кайтулары турында әлеге спорт төре буенча мәктәпнең тренеры, спорт мастеры Руслан Йосыпов сөйләде.
Читать полностью →