Елховка районының Тупли авылында волейбол буенча ветераннар матчы үткәрелде
Биредә волейбол уены үткән гасырның 70нче елларыннан бирле бик популяр. “Без яшь чакта мәктәп укучылары да, авыл яшьләре дә буш вакытларын спорт залында үткәрергә тырышалар иде. Спортның баскетбол, волейбол, чаңгы, штанга күтәрү, бокс кебек төрләре белән шөгыльләнеп, безнең авыл егетләре чыныгып үстеләр”, — дип сөйли шушы авылда туып үскән Әнәс Мингалиев. Читать полностью
Самараның Литвинов исемендәге Мәдәният сараенда Мәҗит Гафури исемендәге Башкорт дәүләт академия драма театры Мөхәммәтша Буранголов әсәре буенча Айрат Әбүшахманов куйган “Шәүрәкәй” спектаклен күрсәтте
Быел үзенең 95 еллык юбилеен бәйрәм итүче башкорт театры, Самарага беренче тапкыр килүенә карамастан, тамашачыны әсир итте, дип авыз тутырып әйтергә була. Театрның сәнгать җитәкчесе, Россия Федерациясенең һәм Башкортостан Республикасының атказанган артисты Олег Ханов сәхнәгә чыгып: “2014 ел Россиядә генә түгел, Башкортостанда да Мәдәният елы дип игълан ителде. Шушы уңайдан без Башкортостан һәм Россия авыл-шәһәрләре буйлап гастрольләргә чыгып киттек. Бу исемлектә Самара — беренче. Шушы тәүге очашуыбызда без бер-беребезгә ошасак, бирегә ешрак килеп йөри башларбыз”, - дип сәхнәгә артистларны чакырды. Читать полностью
12 АПРЕЛЬ -БӨТЕНДӨНЬЯ КОСМОНАВТИКА КӨНЕ ЯКЫНЛАША
- 1989 ел. ЦСКБ «Прогресс» заводының ишегалды һәм фабрика-кухнясы ара сында Әхмәт Нафигин, Минәхмәт Сәгыйров һәм Азат Надиров сөйләшеп торалар. Минем узып барганны күреп, чакырып алдылар да, татар оешмасы булдыру белән шөгыльләнүләре, моның өчен җәмәгатьчелекне җыеп, җыелыш үткәрү ки рәк леге турында хә бәр иттеләр. Миңа бу фикер бик ошады һәм шул көннән башлап татар хәрәкәтенә кушылып киттем, – дип хатирәләрен яңарта баш лады Мансур ага Яма летдинов – өлкә “Туган тел” татар җәмгыяте әгъзасы. Читать полностью
Мәхәббәт җир йөзен коткарырмы?
Бик тә эссе җәйге көннәрнең берсендә челтерәп аккан чишмә янында ял итәргә туктаган идем, шунда карт өянкеләр күләгәсендә утырган танышым Рәмзиләне күреп алдым, янына килдем. Тик ул никтер башын аска иеп, мине күрмәмешкә салынды. “Нихәл, сеңелем? Ник минем белән сөйләшмисең, үпкәләдеңме әллә?”- дип сорамый булдыра алмадым. Ә ул күтәрелеп карамыйча гына: “Юк, апа!” — дип җавап кайтарды. Күрсәтергә теләмәсә дә, мин аның күз төбе кара янган икәнлеген күреп алдым. Мин бит аның ирен дә яхшы беләм. Читать полностью
“Бердәмлек” газетасының җаваплы сәркатибе һәм хәреф хаталарын төзәтүче хезмәткәребез Зәйнәп Нәбиулла кызы ӘҺЛИУЛЛИНАга бүген 75 яшь тулды!
Зәйнәп апабыз “бердәмлек”леләр санына туксанынчы еллар башында килеп кушылган иде. Шул вакыттан бирле инде егерме елдан артык вакыт үтеп киткән, ә Зәйнәп апабыз әле дә сафта. Аның тырышлыгы белән “Бердәмлек” саф татар телендә чыгучы газеталар санында исәпләнә. Чөнки ул сугыштан соңгы авыр елларда Камышлы районының Дәүләткол мәктәбендә саф татарча белем алган, Камышлы педагогия училищесын тәмамлап, институтка кергән һәм анда инде рус теле филологиясен өйрәнгән. Читать полностью
Похвистнево районының Иске Мәчәләй авылы мәктәбе
Күптән түгел Похвистнево районының Иске Мәчәләй авылы мәктәбе үзенең 45 еллык юбилеен билгеләп үтте. Ә бит әле кайчан гына аңа бөтенләй ябылу куркынычы янаганлыгы беркемгә дә сер түгел. Шулай да биредә мәктәпне саклап кала алдылар.
Мәктәпнең бүгенге тормышы турында аның җитәкчесе Әлфия Шамил кызы Субеева менә ниләр сөйләде: Читать полностью
Самарада өлкә “Туган тел” татар җәмгыяте эшли башлаганда миңа 65 яшь кенә иде әле. Алты-җиде еллар чамасы мин аның җыелышларын калдырмыйча йөрдем. Оешманы оештыручылар, әйдәп баручылар арасында туганнарым да булганга күрә, аның ничек аякка басуын, ныгуын күреп тордым. Башта булгалаган төрле бәхәсләрне, аңлашылмаучанлыкны җиңеп, зур уңышларга ирешүләре минем күз алдымнан үтте. Читать полностью
Дамир Баталов. 81 яшь. Губанкүл авылы.
Шулай итеп, могҗиза булмады — “Россия почтасы” хөкүмәтнең 3 миллиард сум дотация бирмәвенә сылтау итеп, 2014 елның икенче яртысына газеталарга язылу бәяләрен ике тапкырга күтәрде, һәм менә хәзер матбугатның батып барышы. Ни өчен дисәгез, болай да очын-очка ялгап баручы күпләр, бездә Әндри казнасы юк дип, капылт кына бәяләре өскә таба сикергән басмаларга язылмаска да мөмкин.
Без дә “Бердәмлек” газетабызның мөшкел хәлдә калуы турында сезгә хәбәр иткән идек инде. Мәскәүнең Федераль матбугат агентлыгы язылу кампаниясе башланырга өч-дүрт көн калып барганда, беркем белән дә киңәшмичә, тиешле килешү төземичә, “Бердәмлек” газетасының почта чыгымнарын үткән 2014 елның беренче яртысы белән чагыштырганда ике тапкырга күтәреп, 82,22 сум урынына 166,92 сум ясап, язылу каталогына теркәп куйган булып чыкты. Бу очракта киләсе ярты елга язылу бәясе әбүнәчегә 382 сумга, ягъни 97 сумга кыйммәткәрәк төшәчәк иде. Читать полностью
Разия ӘЮПОВА (сулдан уңга), Илдар ХӘКИМОВ, Гүзәл УРАЗОВА һәм Галия ӘЮПОВА.
Литвинов исемендәге Мәдәният сараенда уздырылачак Илдар Хәкимов һәм Гүзәл Уразованың концертына барырга теләгем әллә ни зур түгел иде. Ләкин чакыру билетларын алгач, бармыйча кала алмадым. Һәм бер дә үкенмәдем.
Әле бит күптән түгел генә “Бердәмлек” газетасында басылган “Гүзәл Уразова әйбәт киленме?” дигән мәкаләне дә укыган идем. Бу матур парның шундый тату тормышы белән сокланмый мөмкин түгел. Үзләре, әле бик яшь булуларына карамастан, иҗатта да зур казанышларга ирешеп киләләр, гаиләләрен дә чит-ят күздән саклап, матур итеп алып баралар икән. Читать полностью
Самарада зур уңыш белән пар җырчылар Гүзәл УРАЗОВА белән Илдар ХӘКИМОВның концертлары булып узды
Ике ел элек “Бердәмлек”тә Гүзәл Уразова белән Илдар Хәкимовның “Вакыт машинасы” дип аталган яңа концерт программаларына карата берничә тәнкыйть сүзләре әйтелгән иде. Концертны алып баручы егетләрнең төрле “тозсыз” мәзәкләр уйлап табып, тамашачыны ничек булса да көлдерергә маташулары бернинди калыпка да сыймый торган гамәл булуын җырчылар үзләре дә аңладылар, күрәсең. Самарага яңадан килүләрендә аларның программаларында мондый ямьсез күренешләр күренми иде инде. Җырчыларның үз иҗатларына тәнкыйть күзе аша караулары, тамашачы фикеренә колак салулары яхшы, әлбәттә. Читать полностью
Менә икенче ел инде Шенталы районының Денис авылы мәктәбендә атнасына бер сәгать “Ислам дине мәдәнияте нигезләре” дип аталган фән укытыла. Хәзер укытучы Гөлсинә Һади кызы ТӨХВӘТУЛЛИНА белән шул хакта булган сөйләшүне газета укучылары игътибарына тәкъдим итәм. Читать полностью
Әле без кечкенәрәк чакта да әби-бабайлар,безнең нинди дә булса сәбәп белән ризык кадерен белмәгәнне,аны (бигрәк тә ипине) әрәм-шәрәм иткәнне күрсәләр, бик каты ачуланырлар һәм дә “егерме беренче елны” искә алырлар иде. Без, малай-шалайлар өчен,ул егерме беренче ел шул ук әбиләр сөйләгән әкиятләр белән беррәттән торса да,бала акылы да ул елларның ниндидер коточкыч авырлык алып килгәнен аңларлык иде. Әле бүген дә 1921-22 елларда үсмер кыз бала булган әбием Сылуның, шул “егерме беренче ел” турында сөйләгәннән соң, борын-борын заманда бер кешенең яшь чагында кырда ялгыш икмәк валчыгын җиргә төшереп җибәрүе һәм күпме эзләп тә аны таба алмагач,шул урынны киртә белән тотып куюы һәм шул гамәле өчен Ходайның аңа тормышында чиксез нигъмәтләр бирүе турында сөйләгән самимирәк риваяте бик яхшы истә. Әлбәттә, чын ачлыкның ни икәнен күргән буын бездә икмәккә, гомумән ризыкка, хөрмәт тәрбияләргә тырышкан, ә менә шул еллардагы ачлыкка килгәндә исә… Читать полностью
Иске Ярмәк авылы мәктәбенең рус теле һәм әдәбияты укытучысы Фәния ГАТИНА бүген үзенең 55 яшьлек юбилеен бәйрәм итә!
Авылдашым Фәния Гыйниятулла кызы Гатина (Рәхмәтуллина) миннән өч яшькә генә кечерәк булгангадыр инде, без аның белән бер тирәдә укыдык. Уйнап үстек дип әйтә алмыйм, ләкин ул гел күз уңымда булды. Чөнки дустым Наҗия белән алар арткы урамда кара-каршы гына яшиләр иде. Фәниянең бертуган абыйсы Фәнис тә безнең белән бер сыйныфта укыды, ә апасы Флера безнең вожатыйларыбызның берсе иде. Читать полностью