Мәдәният йорты җитәкчесе Жанна ӘМИРОВА.
Похвистнево районындагы Иске Мәчәләй авылы уйсу җирдә урнашкан. Первомайск авылы ягыннан килеп, тау битеннән карасаң, авыл искиткеч матур күренә. Тик авыл уртасындагы ике катлы Мәдәният йорты гына төзек өйләр арасында үзенең тышкы кыяфәтеннән оялып, тартынып тора сыман.
Мәдәният йорты мөдире Жанна Арыслан кызы Әмирова түбәндәгеләрне сөйләде. 35 ел элек төзелгән ике катлы бина вакытында бик матур һәм мәһабәт булган. Бүлмәләр зур, иркен, зур авылда яшәүче халык күпсанлы түгәрәкләргә йөреп, иҗат, сәнгать белән шөгыльләнсен өчен бик уңай булган. Тик үзгәртеп кору еллары башланганнан соң, бу бина ремонт дигән нәрсәне күрмәгән ахыры. Читать полностью
Шенталы районының Денис авылында еш кына төрледән-төрле ярышлар, бәйгеләр үткәрелеп тора. Хатын-кызларыбыз бәйрәменә багышланган чарада, мәсәлән, гүзәл затларыбыз өч командага бүленеп бәрәңге дә чәчтеләр, кармак белән балык та тоттылар, чүкеч белән тактага кадак та кактылар, җырлар-биюләрдә дә катнаштылар. Аннан соң мәктәп спортзалында да өлкән сыйныф укучылары «Без — бердәм» ярышларында үзләренең волейболда, баскетболда, турникта тартылуда, скакалка аша сикерүдә һәм башка бәйгеләрдә сәләтләрен күрсәттеләр. Төрле сораулардан торган викторина да бик кызыклы үтте. 
Челно-Вершины районының Шламка авылы яныннан үтеп барганда, юл читендә генә урнашкан кибеткә сугылмыйча булдыра алмыйм. Бу юлы да ишекне ачып керүгә татарча исәнләшкәнемне сизми дә калганмын. Сәламемә каршы саф татарча җавап та алдым. Бу яшь, мөлаем кыз Әлфия Әхмәтбиҗан кызы Мәүлетова булып чыкты. 
Миңа быелгы 8 Март – Халыкара хатын-кызлар бәйрәме алдыннан губернаторыбыз Николай Иванович Меркушкин чакыруы буенча Самараның Опера һәм балет театры бинасында үткәрелгән зур тантанада катнашырга насыйп булды. Бу минем өчен икеләтә бәйрәм иде. Чөнки моңа кадәр купшы ремонт ясалганнан соң театр бинасын күргәнем юк иде әле. Бик шәп, затлы итеп ясап куйганнар бит аны. Ә губернаторыбызның үзен күрү, аның тәбрикләү сүзләрен ишетү бәхет түгелмени? 
Россиядә һәм аның төбәкләрендә Мәдәният елы дип билгеләнгән быелгы ел Башкортостанның башкаласы Уфа шәһәрендә менә инде 22нче ел эшләп килүче “Мирас” муниципаль фольклор җыр һәм бию ансамбле коллективының болай да тыгыз эш графигын тагын да тыгызландыра төште. Ел башыннан ук иртәдән кичкә кадәр яңа концерт программасына соңгы репетицияләр алып барылды. Ә инде февральдә шәһәр Мәдәният сараенда аның быелгы беренче премьерасы булды. Ул артистларның биюләрен туктаусыз камилләштерү өстендә эшләүләрен бик яхшы күрсәтте. Әйтүләренчә, тамашачы яңа программаны бик тә җылы каршы алды. 
Самараның Җәмигъ мәчетендә беренче мәртәбә зур Мөнәҗәт бәйрәме уздырылды