Шәһәребезнең гыйбадәтханәләрендә дин сабагы алучы милләттәшләребез өчен Самара Җәмигъ мәчете 4 сентябрьдә Шәһри Болгарга сәяхәт оештырды. Һава шартлары бик уңай булмаса да, барырга теләүчеләр шактый җыелды.
46 кешедән торган төркемебезне Сания абыстай Мингачева җитәкләде. Без автобусларга утырып, иртәнге 6 сәгатьтә мәчет йортыннан юлга чыктык. Өлкә мөселманнары Диния нәзарәте рәисе, мөфти Талип хәзрәт Яруллин догалар укып, хәерле юл теләп безне озатып калды. Читать полностью
Член совета СОТО «Туган тел» Надиров Азат Камилович удостоен почетного знака Губернатора Самарской области «За вклад в укрепление дружбы народов».
10 сентября 2016 года в Самаре отмечали День народов и национальных культур Самарского края – День дружбы народов, объединяющий всех, кто живёт в нашем многонациональном регионе. Праздник приурочен к дате создания государственного казенного учреждения Самарской области «Дом дружбы народов» и в этом году совпал с его 15-летием.
18 сентябрьдә без федераль һәм региональ парламентларга – Дәүләт һәм Губерна Думаларына депутатлар сайлаячакбыз. Бу Самара өлкәсе өчен зур бер тарихи мөмкинлек булачак. Безгә ил алдында үзебезнең абруебызны күтәрү һәм куәтебезне күрсәтү, бәйсез дәүләтебезнең ышанычлы терәге булуыбызны раслау, төбәгебезгә дистәләгән елларга үсү өчен көчле импульс та бирү мөмкинлеге бар. Моның өчен нәрсә эшләргә кирәк соң? Читать полностью
Нурания ханым Абзалова.
Камышлы районының Рус, Татар һәм Чуваш Байтуганы авыллары фельдшеры Нурания ханым Абзалова 38 ел инде халык сәламәтлеге сагында тора. Иртә дими, кич дими — ул авыру янына барып, ярдәм күрсәтә, аның хәле яхшырмыйча өенә кайтып китми. Нураниябез дарулар белән генә түгел, яхшы сүзе, җылы карашы белән дә дәвалый, үткәндә-киткәндә хәл белеп чыга, киңәшләрен бирә. Без, сугыштан соңгы авыр елларда ятимлек ачысын татып үскән кешеләр, аңа аеруча рәхмәтлебез. Аны “Ак халатлы фәрештәбез” дип кенә йөртәбез. Үткән елда губернатор Николай Меркушкинның фельдшерыбызга Мактау грамотасы һәм кыйммәтле бүләк тапшыруы турында ишеткәч: “Нураниябез моңа лаеклы”, — дип, чын күңелебездән куанган идек. Читать полностью
Камышлы мәктәбе директоры Айсылу Каюмова Казанның Иннополис районы лицее каршында.
“Милли мәктәпләрне ничек саклап калырга? Анда укырга теләүче укучылар санын ничек арттырырга? Милли мәктәпләрдә алынган белем сыйфаты башка мәктәпләрдән бер дә ким булмавын ата-аналарга ничек җиткерергә?” Милли мәктәп хезмәткәрләрен, мәгариф белгечләрен борчыган бу мәсьәләләр күптән түгел Казанда педагогларның август семинары кысаларында үткән киңәшмәдә көн кадагында булдылар. Чарада Россия регионнары милли мәгариф кураторлары, татар телле мәгариф органнары җитәкчеләре, татар теле һәм әдәбияты укытучылары катнашты. Читать полностью
Разия ханым Әюпова (сулдан уңга) Сызран “Ак калфак” оешмасы советы әгъзалары Дания абыстай Сәгъдиева, Гөлнара ханым Бадаева, Гөлзирә ханым Бариева, Нурия ханым Рәшитова, Гөлшат ханым Йосыпова, Хәния ханым Башаева белән.
Бу тарихы зур булган шәһәрне мин элек тә белә, үз итә идем. Чөнки минем туган ягым Ульян өлкәсенең Николаев районындагы Зур Чирекле авылы Сызран шәһәреннән бик ерак түгел бит. Әнә быел сызранлылар шәһәрләренең 333 еллыгын да билгеләп үткәннәр икән инде.
Самара татар хатын-кызлары мине өлкә “Ак калфак” оешмасы җитәкчесе итеп сайлап куйгач, без активистларыбыз белән бергәләп татарлар күмәкләшеп яшәгән башка шәһәрләрдә, районнарда, авылларда да үзебезнең бүлекләребезне оештыра башладык. Соңгы вакытта гына шундый берничә яңа бүлегебез барлыкка килде. Читать полностью
Похвистнево районы Гали авылында туып үскән, Татарстанның Яр Чаллы шәһәрендә яшәүче Габделхәким Закир улы Насыйров (әсәрләрен Хәким Галидән исеме астында иҗат итә).
Октябрь ае. Сыкылап яуган яңгырдан җебегән табигать, каралып, шыксызланып калган. Ара-тирә очраган йөк машиналары, йомыркаларын таккан тараканнар шикелле әкрен генә үрмәләп, бу моңсу күренешкә җанлылык бирә шикелле.
Кара төстәге джип, җиңелчә генә элдереп, Бозаулык тавынf күтәрелде дә, Богырыслан ягына юл тотты. Чәчләренә чал йөгергән джип хуҗасының кичерешләре табигать торышына тәңгәл иде булса кирәк, тирән уйда иде. Бу Мирхәтим. Эшкуар, бизнесмен. Узган көнне: «Груз отправлен. Конечный пункт Бузулук. Встречай» — дигән эчтәлекле телеграмма алды, шуның хәстәрен күреп йөреше. Читать полностью
Инде ике ай вакыт үтсә дә, бу зур тантаналы бәйрәм мизгелләре күңелемдә әле һаман саклана. Самараның опера һәм балет театрында медицина хезмәткәрләренә багышланган зур бәйрәмгә өлкәбезнең төрле почмакларында эшләүче мәңге шиңмәс «ак чәчәкләр» – табиблар, шәфкать туташлары, акушерлар килгән иде. Миңа да губернатор администрациясеннән чакыру җибәрелде. Безне зурлап беренче рәткә кертеп утырттылар. Читать полностью
Асия ханым Шәйхетдинова.
Хатын-кыз йорт хуҗалыгын гына алып барып, бала тәрбияләп, өйдә утырган заманалар артта калды инде. Бүген машина йөртүче, армиядә хезмәт итүче нәфис затлар беркемне дә гаҗәпләндерми. Ә менә Похвистнево районының Яңа Мансур авылында яшәүче Асия Шәйхетдинова кебек крестьян хуҗалыгын җитәкләүче хатын-кызлар турында моңа кадәр ишетергә туры килгәне юк иде әле. Читать полностью
Район башлыгы Рафаэль Баһаутдинов җиңүчеләрнең берсенә район Кубогын тапшырганда.
Августның соңгы шимбәсендә Камышлы район үзәгендә “Зур җәйге приз-2016” дип аталган район кубогына ат чабышлары үткәрелде. Быел өлкә ярышлары дәрәҗәсенә ия булган бу чара губерна спорт министрлыгы һәм күпсанлы спонсорлар катнашында узды.
Чабышларда Самара өлкәсеннән 35 җайдак катнашты, Ульян, Оренбург өлкәләреннән, Башкортостан һәм Татарстаннан килүчеләр дә шактый иде. Читать полностью
Резеда Кәлимуллина.
Авылыбыз куштаны Мәҗит ага Йосыповка Ачык хат, яки бездә кемгә яшәргә рәхәт?”
“Көрәшнең башы бар. Ахыры булырмы?” дигән язмага өстәмә
Бу язмам белән борчыганым өчен авыл картларыннан алдан ук гафу үтенәм. Күңелегезгә авыр алмагыз, чөнки гомерем буе яраткан, ихтирам иткән кешеләрем сез, бабайлар, булдыгыз. 7 айда — әтисез, 3 яшьтә — әнисез, 10 яшемдә әбисез калгач, мине бабам үстерде. Ул чакта аңа 75 яшь иде инде. Әле бала гына булсам да Аллаһы Тәгаләдән үзенә хәерле озын гомер сорый идем. Читать полностью
Рузалия һәм Эдуард Зәйдуллиннар (сулдан беренче һәм бишенче) тәрбиягә алган балалары (сулдан уңга) Ираида Шәйхетдинова, Алина һәм Илдар Нарматовлар, Тамерлан Шәйхетдинов һәм Никита Бензилюк белән.
“Бәхет” дигән төшенчәне һәркем үзенчә аңлый. Берәүләр аны бай тормышта яшәүдә, икенчеләр сау-сәламәт булуда күрәләр. Ә менә Камышлы районы Яңа Ярмәк авылында яшәүче Розалия һәм Эдуард Зәйдуллиннар: “Безнең өчен бәхет — ул тату гаиләбез, балаларыбыз”, — диләр. Читать полностью
Виноградны ничек кисәргә, су сибәргә, ашларга, чирләр һәм корткычларга каршы ничек көрәшергә һәм башка сорауларга бергәләп җавап табарга тырышырбыз. Читать полностью