Хөрмәтле Рифкать әфәнде! 

Сезне — танылган җәмәгать эшлеклесен, халкыбыз өчен янып-көеп яшәүче милләтпарвәрне һәм меценатны — юбилеегыз белән чын күңелдән тәбрик итәм!

Сезнең хезмәтегез — милләтебезнең рухи һәм тәрбияви байлыгын саклауда, яшь буынга үтемле үрнәк булуда зур әһәмияткә ия. Сез һәрвакыт ярдәм кулын сузучы, мохитне яхшыртуга омтылган шәхес буларак хөрмәткә лаек. Сезнең эшчәнлегегез һәм изге ниятләрегез җәмгыятебездәге ышанычны һәм өметне ныгыта.

Сезгә ныклы сәламәтлек, гаилә бәхете һәм якыннарыгыз белән җылы, тыныч тормыш телим. Көннәрегез шатлыкка һәм уңышларга тулы булсын, һәр яңа башлангычыгыз биек үрләр яуласын. Илһам һәм энергия сезгә һәрвакыт юлдаш булсын!

И.Г.Шәкүров, Самар шәһәренең Иҗтимагый палата әгъзасы,
өлкә “Туган тел” татар җәмгыяте президенты,
Самар өлкә татар эшкуарларына ярдәм итү ассоциациясенең рәисе.

Хөрмәтле Галиулла әфәнде!

Сезне ихлас күңелдән туган көнегез белән тәбрик итәм. 

Сезгә ныклы сәламәтлек, ак бәхетләр, хәерле гыйбадәтле гомер,  тормышыгызда һәм эшегездә яңадан-яңа уңышлар телим. Алга таба да шушы хөрмәт белән озак еллар яшәгез, һәр көн Сезгә шатлык-куанычлар гына китерсен! Киләчәктә дә шундый җитез, дәртле, актив булып калыгыз.

И.Г.Шәкүров, 

өлкә “Туган тел” татар җәмгыяте  президенты.

Хөрмәтле Исмәгыйль әфәнде!

Сезне туган көнегез белән котлап, иң изге, якты, матур теләкләребезне юллыйбыз.  Гомер юлыгыз якты кояш кебек булсын, һәрбер көнегез куаныч, яшәү яме, дөнья иминлеге белән тулып торсын. Максатларыгызның тормышка ашуын теләп калабыз.

И.Г.Шәкүров, 

өлкә “Туган тел” татар җәмгыяте президенты,

Самар өлкә татар эшкуарларына ярдәм итү ассоциациясенең рәисе.