13 февральдә “Ак каен” татар халык фольклор ансамбленең «Безгә — 55!» дигән зур концерты булып узды. Ансамбль оешуга 55 ел тулды.
Килгән кунакларны ишек төбеннән үк ансамбль әгъзалары каршы алды. Фойеда матур итеп күргәзмә оештырылган иде. Концертта ансамбльнең «алтын фондыннан» иң яхшы җырлары һәм биюләре тәкъдим ителде. Тантанага килгән мәртәбәле кунаклар рәхмәт сүзләре җиткерде.
Тамашачылар концертны җылы кабул итте, ансамбльне аякка басып алкышлады.
Барлык килгән кунакларга, тамашачыларга һәм юбилей кичәбезне үткәрүдә ярдәм иткән дусларыбызга олы рәхмәтебезне белдерәбез.
Айгөл ГАЛИУЛЛИНА, Иске Ярмәк авылының Мәдәният йорты җитәкчесе.
Камышлы районы.
Просмотров: 439