Хөрмәтле Талип хәзрәт!
Сезне ихлас күңелдән туган көнегез белән тәбриклим!
Сез үз гомерегезне изге эшкә — динебез Исламга хезмәт итүгә багышлагансыз. Бу — бик җитди, авыр һәм игелекле хезмәт.
Сезнең эшне югары дәрәҗәдә оештыру сәләтегез, тирәгездә булган кешеләргә игътибарлы булуыгыз, хакимият органнары һәм дәүләт әһелләре белән хезмәттәшлек урнаштыра белүегез мөселман-татар җәмгыяте өчен бик файдалы күренеш. Диния нәзарәте һәм без, татар җәмгыять оешмалары, халкыбызның динен, гореф-гадәтләрен, туган телен, мәдәниятен саклап калуда һәрвакыт бергәләшеп, кулга-кул тотынышып, эшлибез.
Аллаһы Тәгалә Сезгә корычтай нык исәнлек-саулык, гаилә сәгадәте, озын гомерләр муафык кылсын иде. Хәерле хезмәт, күпкырлы эшчәнлегездә уңышлар юлдаш булсын. Алга таба да шушы хөрмәт белән озак еллар яшәгез, һәр көн Сезгә шатлык-куанычлар гына китерсен!
Ихтирам белән
И.Г.Шәкүров,
өлкә “Туган тел” татар җәмгыяте президенты,
Самар өлкә татар эшкуарларына ярдәм итү ассоциациясенең рәисе.
Просмотров: 1793