Самара шә­һә­р татар милли-мәдәни ав­то­но­мия­се рәисе Рифкать ХУ­ҖИН һәм аның директоры Ли­нар СА­БИРОВ авыл хуҗалыгы алдынгыларын бүләклиләр.

Әй, Сөмбелә, Сөмбелә,

Сөмбеләне кем белә?

Сөмбеләне шулар белә -

Кем эшенә өлгерә.

Мул уңышлы көзге бәйрәм

Һәркемне сөендерә.

Борынгыдан татар халкы, кырларда һәм бакчаларда урып-җыю эшләре тәмамлангач, уңыш бәйрәме Сөмбеләгә әзерләнә башлый. Көзге муллык  бәйрәмен мул өстәлләр әзерләп, көр күңел белән каршы алырга тырышканнар.  Һәр өйдә яңа оннан төрле камыр ашлары пешерелгән, муллык билгесе булып хезмәт итүче чәкчәк һәм бавырсаклар өстәлләргә менеп утырган. Читать полностью →

26 октябрь – Автомобиль транспорты һәм юл хуҗалыгы хезмәткәрләре көне

Шәһәр иртә уяна: картлар намаз укырга җыенып йөргән арада балалары эшкә, ә оныклары мәктәпкә җыена. Җылы өйдән чыгып, автобус тукталышына килеп баскан кеше әледән-әле сәгатенә күз сала: аның автобусы графиктан чыкмаган микән? Эшенә соңгармас микән? Юк, чыкмаган, әнә 37нче маршрут автобусы салмак кына тукталыш янына килеп басты. Кабинадан күптәнге танышым Исламнур Гайфулла улы ХАММАТШИН баш кагып исәнләшә.  Чиста тәрәзәләре аша көр елмаючы авылдашым белән горурланам мин. Аның үз эшен чын күңеленнән яратуын да, пассажирларыннан иртәрәк уянып эшкә китүен дә, икенче сменада эшләгәндә төн уртасында гына кайтып керүен дә яхшы беләм. Читать полностью →

Радик ГАЗИЗОВ, Вадим КОРОБОВ һәм Линар САБИРОВ .

Самараның “Яктылык” татар мәктәбендә шимбә өмәләре елына ике тапкыр – язын һәм көзен үткәрелә. Үткән шимбәдә анда чираттагы көзге өмә уздырылды

Иртәнге сәгать тугызларда мәктәп тирәсе гөр килә иде инде. Башлангыч сыйныф укучыларының ата-аналары, өлкән сыйныф укучылары һәм мәчет волонтерлары, көрәк-тырмалар белән коралланып, мәктәп йорты, якындагы балалар бакчасы һәм йортлар тирәләрен яфраклардан һәм чүп-чардан чистартуга керешкәннәр. Читать полностью →

Гали авылы мәдрәсәсендә Өлкәннәр көненә багышлап инде икенче ел Корбан ашлары уздырыла. Быел  әлеге мәҗлесне авылдашыбыз Зәйтүнә Гыйльфанова, аның кызы Лилия һәм кияве Илфат Гарифуллиннар үткәрделәр. Мәдрәсәдән дә бер корбан өстәлеп, 3 корбан табынын бергә үткәрергә насыйп булды. Читать полностью →

Читать полностью →

Ринат СИТДЫЙКОВ һәм Венера ЯМАЛЕТ­ДИНОВА.

Новокуйбышевски шәһәренең “Туган тел”  татар милли-мәдәни җәмгыяте оештырылуга 5 ел тулды. Бу язмабыз  оешманың рәисе Ринат Сәлимҗан улы СИТДЫЙКОВ һәм аның урынбасары Венера Миннехатип кызы ЯМА­ЛЕТДИНОВАның мил­ли-­мәдәни дөньябызда ирешелгән уңышлары һәм уңыш­сызлыклары турында.

Татарсызлык… Татар дөнья­сында килеп чыккан бу хәлне ничек аңлатып була икән? Милли йөзеңне җуеп, олы юл чатында аунап ятумы бу? Әллә инде бар булмыш татарлыгыңны югалтып, үлем тигәнәсенә тәгәрәп китүме? Россия киңлекләрендә милләтсез җаннарның исәбен-хисабын кемнәр белеп бетер­гән? Читать полностью →

Ширяеводагы Поп тавы янында экскурсия.

Быел «Самара Җәясе» милли паркы үзенең утыз еллык түгәрәк датасын бил­геләп үтә. Шул уңайдан жур­налистлар өчен пресс-конференция һәм Самара Җәясе буенча сәяхәт оештырылды

Самара Җәясе — безнең өл­кәнең генә түгел, Россиянең дә иң матур урыннарының берседер. 127186 гектар җирдә үсә торган меңләгән төр үсемлекнең 12се тик Жигули тауларында гына бар, кайбер җәнлекләр дә биредә борынгы заманнардан бирле яшәп киләләр. Шулай ук Себер урманнарында һәм Азия далаларында яшәүче хайваннар һәм кошлар да Идел буенда икенче йорт­ларын тапканнар һәм биредә үзләрен бик яхшы хис итәләр. Аларның күбесе Россиянең Кызыл китабына кертелгән. Читать полностью →

Самарская областная татарская национально-культурная автономия (СОТНКА) выиграла грант Министерства культуры Республики Татарстан на изготовление и установку 4-5 мемориальных досок, увековечивающих память  выдающихся земляков-соплеменников.

Так, по мнению директора СОТНКА, историка-краеведа Шамиля Хайдаровича Галимова, памятные доски необходимо установить по адресам: Читать полностью →

“Шәһри казан” газетасында хәбәрче Дилбәр Гарифул­линаның Татарстан мөфтиенең мөхтәсибәтләр белән эшләү буенча урынбасары Рөстәм хәзрәт Хәйруллин белән “Яшь имамнан да мескен кеше юк” дигән әңгәмәсе дөнья күргән иде. Анда дин әһеле: “Татарстанда булган мәчетләрнең 70 процентында имамлык вазифасын яшьләре җитмештән арткан бабайлар алып бара. Олы яшьтәгеләрнең мондый олы вазифаны алып барырга көчләре дә, белемнәре дә җитеп бетми. Ә яңа гына мәдрәсә тәмамлаган яшьләребез авыл мәчетләренә кайтырга ашыкмый, чөнки аларга анда яшәү һәм эшләү өчен шартлар юк”, — дип, авыл мәчетләре алдында торган проблемаларны да атап узган.

Ә менә безнең өлкә авыллары мәчетләре бүгенге көндә нинди шартларда яши икән соң? Бу сорауны без Камышлы, Кләүле һәм Исаклы районнары имам-мөхтәсибе, Иске Ярмәк авылы мәчете имамы Габдулла хәзрәт МӨХӘММӘТКӘРИМгә бирдек. Читать полностью →

Казимир МАЛЕВИЧ рәсеме.

Тоткынлыктан хатлар

Самара өлкәсе төрмәләренең берсендә тоткынлыкта яшәүче авторыбыз М.И. Кәрим турында 2013 елның 27 августында чыккан 18нче саныбызда “Мине аңларлармы икән?” дигән язма бастырган идек.

Менә кулыбызга аның тагын бер хаты килеп эләкте.  Хәер, аны хат дип атарлык та түгел, ул пөхтә итеп кулдан төпләнгән дәфтәр. Анда проза да, шигырьләр дә бар. Бу язмаларны төрмәдән урау юллар белән яхшы кешеләр алып чыкканнар һәм безнең редакция хезмәткәренә китереп тапшырганнар. Детектив маҗара, дияргә дә була. Читать полностью →

Бу елның июнь башында Дәүләт Думасы депутатлары Гаджимет Сәфәргалиев һәм Григорий Балыхин “Россия Федерациясе халыклары телләре турындагы Законга үзгәрешләр кертү” мәсьәләсен күтәреп, аның проектын эшләп чыгарганнар һәм фикер алышуга куйганнар иде. Читать полностью →

Бөек Ватан сугышы ветераны Заһидулла Галимуллинга 90 яшь тулу уңаеннан Самараның Железнодорожный (Тимерьюл) районындагы социаль ярдәм күрсәтү идарәсе хезмәткәрләре аны котларга килгәннәр.

Социаль ярдәм күрсәтү ида­рәсе хезмәткәре Эллина Карасик сөйләвенчә, бабай Оренбург өлкәсендәге күп балалы бер гаиләдә туып үскән. Сугыш вакытында Куйбышевның авиация заводында самолет детальләре ясаган, кичен авто­мобиль техникумында укып йөргән, шуннан армия хез­мәтенә алынып, Сахалин якларында хәрби фәнгә төшенә башлаган. Соңрак шактый ук сугыш тәҗрибәсе туплаган егетне Уфаның пехота училищесы җитәкчесе итеп билгелиләр. Читать полностью →

Өлкәбезнең Сок елгасы буенда урнашкан бердәнбер Камышлы татар районы  көннән-көн чәчәк ата, матурлана, аның көнкүреш шартлары яхшыра бара. Без Камышлы авылы җирлеге җитәкчесе Заһид Әбделхак улы САФИН белән очрашып, нәкъ шул турыда сөйләштек. Хәзер шушы сөйләшүебезне хөрмәтле укучыларыбызга тәкъдим итәбез.
Читать полностью →