Сөбханаллаһ, быелгы көз искиткеч матур килде! Яңгырсыз, җылы көннәрдә өмәләр үткәрүе дә нинди рәхәт бит. Менә безнең Мәчәләй авылында да күмәк эшләр гөрләде. Зиратны тәртипкә китердек, мәчетләр тирәсен ялт иттереп җыештырып куйдык. Мәктәп укучылары, зур тырышлык күрсәтеп, Бөек Ватан сугышы каһарманнары хөрмәтенә куелган һәйкәлгә илткән юлны чистартып чыгардылар. Читать полностью
Чын ир-егетләр хоккей уйный!
Бүгенге көн балалары турында сүз чыккач, безнең күз алдыбызга киң чалбар һәм киң футболка кигән, бертөрле диярлек прическалы һәм кулларына телефон тоткан малайлар, кызлар килеп баса. Алар, бернәрсәгә дә омтылмыйча, “Алма пеш – авызыма төш” шигаре астында “үз дөньяларында” яшиләр сыман. Әмма хәзерге яшүсмерләр арасында, фән, сәнгать, спорт белән бик җитди рәвештә шөгыльләнеп, илебездә генә җиңүләр яулап калмыйча, ә дөнья күләмендә дә беренчелекне алып, Россиянең данын танытучылар да шактый. Бу тырыш балаларның максатчанлыгына, эшчәнлегенә, талантына исләрең китәр. Читать полностью
Бию яшьләрне берләштерә
2 ноябрьдә шәһәребезнең К.Е. Ворошилов исемендәге гарнизонының Офицерлар йортында Самара дәүләт медицина университетының халыклар дуслыгы этнофестивале узды. Ул төрле милләт студентларын берләштерде һәм Россия халыкларының бердәмлеге елында мәдәниятләрнең күптөрлелеге безне көчлерәк итүен тагын бер кат ассызыклады. Читать полностью
Иң мөһиме — кешеләрнең ышанычы!
Похвистнево районында Габделхәмит Габделхәй улы Асылгәрәевның исемен һәр йортта диярлек беләләр. Берәүләр өчен ул — 36 ел дәвамында тәртип саклаучы, җинаятьләргә юл куймаучы легендар милиционер, икенчеләре өчен — акыллы киңәшләре белән ярдәм итүче кеше. Ә өч улы өчен хезмәттә дә, тормышта да төп үрнәк булып тора. Читать полностью
Игелек саф йөрәктән килә
Денис авылы мәктәбе укучыларының волонтерлык эше — гади ярдәм генә түгел, ә чын мәгънәдә изге гамәл. Әлеге хәрәкәт укытучылар Әлфия Минһаҗева һәм Розалия Щербакова җитәкчелегендә үсә, ныгый һәм киңәя бара. Аның эшчәнлегендә катнашучы яшь буын — тырыш, җаваплы, хезмәт сөючән егетләр һәм кызлар. Алар өлкәннәргә, илебез мәнфәгатьләрен яклаучыларның гаиләләренә, инвалидларга төрле яклап булышалар: бакча, өй эшләрендә ярдәм кулын сузалар, кибеттән азык төлек алып кайталар, кар көриләр. Иң мөһиме — боларның барысын да бик теләп, чын күңелдән башкаралар. Читать полностью
“Болгар мирасы” фонды Самара футболчыларына спорт формасы һәм туплар бүләк итте
5 ноябрьдә “Болгар мирасы» мәдәни-тарихи фонды Самараның Красных Коммунаров, 13 адресы буенча урнашкан “Раскат” балалар футбол үзәгенең 2016 елда туган спортчылары өчен махсус формалар һәм бер капчык туплар бүләк итте. Читать полностью
Әтием – репрессия корбаны
Репрессияләр — ул илебез тормышындагы ачы һәм куркыныч бер чор. Совет власте елларында сәяси сәбәпләр буенча миллионлаган кеше: галимнәр, язучылар, шагыйрьләр, иҗат эшлеклеләре, дин әһелләре һәм башка укымышлы, Ватаныбыз үсешенә ярдәм итәрлек шәхесләр афәткә дучар булганнар.
Гаделсез хөкем ителгәннәр арасында безнең якташларыбыз да аз түгел. Шуларның берсе — газета укучыларыбызга һәм гомумән Самараның татар җәмәгатьчелегенә яхшы таныш булган, изге гамәлләре белән якты эз калдырган, ихтирамлы, мөхтәрәм Таһир әфәнде Мамышевның әтисе — Гобәйдулла бабай. Читать полностью
«Без сезне рәхмәт әйтер өчен җыйдык!»
Самараның Тарихи мәчете 135 еллык юбилеен билгеләп үтте
Күптән түгел генә реставрацияләнеп беткән «Самараның ислам энҗесе» бинасында хакимият һәм бизнес вәкилләрен, руханиларны һәм гади кешеләрне җыйган тантана тарихка хөрмәт күрсәтү генә түгел, ә халкыбызның рухи традицияләренең яшәвенә һәм, шатлыгыбызга, чынбарлыктагы проблемаларга карамастан, үз үсешен дәвам итүенә тагын бер дәлил иде. Читать полностью
Живая история в камне
Самарской Исторической мечети — 135 лет
Мечеть на улице Алексея Толстого – историческое достояние нашего многонационального города и живая история в камне. Она была построена в 1891 году. Незадолго до этого, в ноябре 1888 года, известный меценат и благотворитель, строитель мечетей, медресе и татарских школ во многих уголках Российской империи симбирский фабрикант – владелец нескольких суконных фабрик Тимербулат Акчурин по просьбе общества самарских мусульман выкупил у крестьянина И.Н. Павлова земельный участок в 42-м квартале – на Казанской улице (между Заводской и Панской), чтобы через три года построить на нем мечеть. Это событие стало знаковым и поворотным в истории татарской общины города и всего края. И одним из важнейших эпизодов многовековой истории татарского народа. Читать полностью
Аның гармун моңнары хәтердә мәңге сакланачак
27 октябрьдә якташыбыз, танылган виртуоз гармунчы Рөстәм Вәлиевка 65 яшь тулган булыр иде…
Дәверләр уза — һәм алар белән бергә әлеге чорны булдыручылар да китә. Рөстәм Вәлиев нәкъ шундый шәхес иде: виртуоз баянчы гына түгел, ә татар халкының тере музыкаль традицияләрен саклаучы, аның сәнгате буыннарны һәм милләтләрне берләштерде. Читать полностью
Гасырлар аша киләчәккә караучы
22 октябрьдә Самара өлкәсенең татар милли-мәдәни автономиясе Башкарма комитеты һәм Тарихи мәчет Советы, «Туган тел» җәмгыяте һәм өлкә мөселманнарының төбәк Диния нәзарәте шәһәребезнең «Гудок» сәүдә үзәгендә урнашкан «Россия – минем тарихым» паркында тарих сөючеләрне чираттагы «Мортазин укулары» конференциясенә җыйдылар. Читать полностью
Озак яшәвенең сере — калебе пакьлегендә!
Иске Мәчәләй авылының ихтирамлы шәхесе, ветеран укытучы СӘГЫЙДӘ СУБЕЕВАГА 90 яшь тулды
Озын гомерле әби-бабайлар — авылның горурлыгы, яшь буын өчен батырлык һәм сабырлык өлгесе. Өлкәннәребезнең тормыш юлы сикәлтәләрсез үтмәгән. Бөек Ватан сугышы китергән авырлыклар, якыннарын югалту ачысы, аттай җигелеп эшләү — боларның барысы да 80, 90 яшьләрен тутырган авылдашларыбызның башыннан үткән сынаулар. Читать полностью
«Заман» ансамбле телевизион эфирны яулый
«Заман» татар балалар фольклор ансамбле яңа иҗади биеклекләр яулавын дәвам итә. Самараның яшь артистлары «ГТРК Самара» телеканалының «Супер җыр» музыкаль проектында катнаштылар, аннары Казанга — «Шаян ТВ» балалар телевизион каналына юл тоттылар. Читать полностью