Татар язучысы, шагыйрь, драматург, Татарстан Рес­пуб­ли­касының атказанган сәнгать эшлек­лесе, Г.Тукай исемендәге Дәүләт бүләге иясе Рөстәм Мингалимгә 15 августта, исән булса, 77 яшь тулыр иде. Ләкин ул безнең арабызда юк инде (авыр туфрагы җиңел, урыны оҗмахта булсын). Быел Рөстәм Мингалимнең туган көнен аңардан башка гына билгеләп үтәбез.

Рөстәм минем классташым иде. Без аның белән Камышлы районының Дәүләткол авылында 5 — 7 классларда бергә укып, мәктәпне тәмамладык. Ул минем хәтердә елмаючан ачык йөзле, юмор яратучы сабакташым булып калган.

Читать полностью →

РӘСЕМДӘ: чын җир хуҗалары (сулдан уңга) Раил ГАБДРАХМАНОВ, Булат һәм Марат СӘЛАХОВЛАР.

Талгын җилдә тибрәнеп утыручы тук башакларны күргәч, кылт итеп исемә бала чагымда ишеткән бер гыйбарә килеп төште. Анда сүз Аллаһы Тәгаләнең адәм баласын җир йөзенә икмәк үстереп, ипи ашап яшәр өчен җибәрелүе турында иде. Әйе, икмәк үстерү җиңел түгел. Камышлы авылында яшәүче фермер хуҗалыгы башлыгы Булат Сәлахов белән күрешеп, сөйләшкәч, җиргә гашыйк кешенең генә шушы мәшәкатьле, авыр эшне башкарып чыга аласына инандым. Мин аның  иген басуына аяк басканда, көн инде кичкә авышкан булса да, ул өенә кайтып китәргә ашыкмый иде әле. Читать полностью →

«Гали авылы кубогы» иясе Тәнзилә ТРУБ­НИ­КОВА.

Похвистнево районының Гали авылында физкультура көнендә инде яхшы традициягә әйләнеп баручы ат чабышлары булып үтте. Көн артык эссе булуга да карамастан, бирегә Татарстан, Башкортстан республикаларыннан, Самара өлкәсенең үзеннән күп тамашачы җыелган иде.

Бәйрәм башланганчы игъ­ти­барыбызны якында гы­на кө­лешә-көлешә, үзара сөй­лә­шеп торучы ир-егетләр җәлеп итте. Алар Бөгелмәдән булып чыктылар. Минсәгыйть Галимов белән Рәшит һәм Рәфгать Галиуллиннарга ат җене әле аларның яшь чакларында ук кагылган булган. Үткән гасырның җитмешенче елларында ат чабышларында күп катнашырга туры килгән аларга, призлы урыннар да алгалаганнар. Читать полностью →

Римма НУРЕТДИНОВА (уңда) Россия Федерациясенең атказанган, Татарстан Республикасының халык артисткасы Исламия МӘХМҮТОВА белән.

Бүгенге көндә өлкәбездә татар телендә мөселманнар тормышында булган барлык яңалыклар белән мил­ләт­тәш­ләребезне даими рәвештә таныштырып баручы мәгълүмат чаралары аз түгел. Шулар арасында “Самар татарлары” медиа-порталы лаеклы урын алып тора. Биредә һәркем үзе өчен кирәкле мәгълүматны тапсын өчен, аның баш мөхәррире Римма Нуретдинова, әлбәттә, зур көч куя. Кызыклы язмалар, аудио- һәм видео материалларны төрле чыганаклардан җыеп, татарлар тормышындагы яңалыкларны беренчеләрдән булып безгә ул хәбәр итә, дисәң дә дөрес булыр, минемчә. Юкка гына, шаяртып, кайберәүләр аны “Римма-ТАСС”, дип атамыйлардыр. Читать полностью →

Бу көнне спорт сөючеләр бәйрәм уңаеннан Шенталы районы үзәгендә урнашкан стадионга җыелыштылар. Районның төрле авылларыннан килгән делегацияләр арасында безнең Денис авылыныкы иң саллысы булгандыр, мөгаен.

Денис авылында да универсаль спорт мәйданы төзелә. Авылыбызда спорт белән шөгыльләнүчеләрнең саны елдан-ел арта бара. Быелгы физкультурачылар бәйрәмендә дә безнекеләр яхшы уңышларга ирештеләр. Төрле дистанцияләргә йөгерүдә укучыларыбыз Ландыш Минхәерова, Марсель Газизов, Ләйсән Нуретдинова, Рафаэль Гайнетдинов, Равил Шәкүров бары беренче, икенче, өченче урыннарны яуладылар. Гүзәл Идиятуллина өстәл теннисында өченче урынга чыкты. Читать полностью →

20 августа в Болгарском историко-археологическом комплексе установят знаки и мемориальные таблички ЮНЕСКО. В этот день там пройдут торжественные мероприятия по случаю вручения сертификата об официальном признании комплекса памятником культурного наследия человечества при участии представителей ЮНЕСКО.

«Таблички будут содержать информацию о Болгаре на четырех языках — русском, татарском, английском, арабском», —  сообщает портал муниципальных образований РТ. Читать полностью →

Читать полностью →